Ақтөбе қаласында орналасқан Қазақстан Республикасы Ұлттық ұланы «Батыс» өңірлік қолбасшылығының 6655 әскери бөлімнің жеке құрамы балалар үйінің тәрбиеленушілерін жаңа жылдық мерекемен құттықтады, деп хабарлайды DKnews.kz.
Бұл іс-шара барысында бөлім командирі балаларға құттықтау сөзін арнап, жаңа жылда олардың әрқайсысына бақыт, денсаулық және қуаныш тіледі.
Ұландықтар балалар үйінің тәрбиеленушілеріне мерекелік көңіл-күй сыйлап, оларға тәттілер, ойыншықтар, киім-кешек және басқада қажетті заттарды тарту етті.
Өз кезегінде балалар үйінің тәрбиеленушілері және қызметкерлері Ұлттық ұлан жауынгерлеріне алғыстарын білдіріп, алдағы қызметтеріне табыс тіледі.
