Астанада Жұмысшы мамандықтар жылына арналған «Адал адам – адал еңбек» жастар форумы өтті, деп хабарлайды DKnews.kz.
Қазақстан Республикасының Президенттік орталығында «Адал адам – адал еңбек» жұмысшы мамандықтар жылына арналған Жастар форумы өтті.
Бұл іс-шараның ұйымдастырушылары – Қазақстан Республикасы ПІБ Президенттік орталығы және Қазақстан халқы Ассамблеясы, «Жастар Ассамблеясы» РҚБ.
Жастар форумын өткізу еңбек адамының бейнесін насихаттауды және түрлі салалардағы белгілі кәсіпқойлармен дәлелді кездесулер арқылы еңбекке құрмет принциптерін ілгерілетуді мақсат етеді.
Аталған іс-шараға 150-ге жуық адам қатысты.
Ел Президенті Қ.К.Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауында Жұмысшы мамандықтар жылының басты міндеттерін былайша тұжырымдады:«Алда техникалық және кәсіптік білім беру жүйесін реформалауды жүзеге асыру тұр. Жұмысшы мамандықтар жылы біздің қоғамда еңбексүйгіштік пен кәсібилік идеясын ілгерілетуге ықпал ететін болады». Соңғы жылдардағы әлемдiк экономикалық дағдарыстар өнеркәсiп пен ауыл шаруашылығы түрiндегi экономиканың нақты секторынсыз ешқандай мемлекет дами алмайтынын және гүлдене алмайтынын айқын көрсеттi. Оның үстіне, индустриядан кейінгі кезеңде жұмысшы мамандықтар күрделі біліктілікті, зияткерлік әлеуетті, қазіргі заманғы жабдықтарды басқарудың жоғары дағдыларын және цифрлық технологияларды меңгеруді талап ете отырып, нағыз ренессанс дәуірін бастан кешуде. Сарапшылардың бағалауынша, 5 жылдан кейін Қазақстанға кәсіптік-техникалық білімі бар миллионға жуық маман қажет болады. Жасампаз еңбек қана жеке өмірде табысқа жетудің және жалпы қоғамның өркендеуінің бірден-бір құралы болып қала береді» ҚР Президенттік орталығының директоры Бақытжан Темірболат
Қазақстан халқы Ассамблеясы Төрағасының орынбасары Марат Әзілханов өзінің сөзінде: «Ассамблея - бұл бірінші кезекте халық. Біз қазақстандық жастарды ынталандыратын өз ісімізге адал қызмет етудің жарқын үлгілерін, сондай-ақ этнос өкілдерінің ел мен қоғамның дамуына қосқан үлесін көрсетуге тиіспіз. Біз жастарға жаңа мүмкіндіктер жасау және қызықты жобалар жасау мақсатында кәсіптік оқу орындарының оқушыларымен тығыз өзара байланыс жасаймыз. Біз үшін жұмысшы жастар әрқашан әлеуметтік өсу мүмкіндіктерін өздері үшін тиімді пайдаланып, қоғамдық өмірге қатысу арқылы мүмкіндіктер аша алуы маңызды. Бүгінгі форум жастармен танысу, тәжірибе алмасу, сондай-ақ біздің спикерлермен қызықты өзара байланыс жасау үшін жақсы алаң болатынына сенімдімін».
«Жұмысшы мамандықтар жылын өткізу жөніндегі іс-шаралар жоспарына сәйкес: жаңа жұмыс орындарын құру, еңбек нарығында сұранысқа ие дағдыларды алу үшін кәсіптік стандарттар мен жаңа оқу бағдарламаларын бекіту, жұмыс берушілер, мектептер мен колледждер арасындағы өзара іс-қимылды күшейту, тәлімгерлік институтын дамыту, бос орындар жәрмеңкелерін өткізу және мектеп оқушылары мен ТжКБ студенттерін жұмыс іздеу және жұмысқа орналастыру дағдыларына оқыту, қауіпсіз жұмыс орнын құру, сондай-ақ жұмыс кәсіптерінің имиджін арттыруға бағытталған іс-шараларды көбейту көзделген» ҚР Еңбек және халықты халықты әлеуметтік қорғау бірінші вице-министрі Ақмәди Сарбасов
Сондай-ақ, Жастар форумының жұмысына Қазақстанның Еңбек Ері, «Қазақмыс» корпорациясы» ЖШС филиалы «Батыс» кенішінің жерасты учаскесінің кеншісі Тұрсынбек Мәкішев, Қазақстанның Еңбек Ері, көмір өнеркәсібінің ардагері Рышат Әмренов, Ақтөбе ферроқорытпа зауытының металлургы Александр Ольтов, Қазақстан Республикасы Парламенті Мәжілісінің депутаты Максим Рожин, Қазақстан Республикасы білм беру министрлігінің техникалық және кәсіптік білім департаментінің директоры Әсет Мұханбетов, «Maker» ЖШС («Қазақмыс корпорациясы» ЖШС) маркетинг және коммерциялық қызметті сату бөлімінің басшысы Нариман Ахметжанов, «BI Group» инвестициялар және құрылыс холдингі даму департаментінің басшысы Айбек Орынбеков.
Спикерлер өз сөздерінде жастар өкілдерін экономиканың нақты салаларында өзін-өзі танытуға ынталандырды, өздерінің кәсіби табыстары мен еңбек жетістіктерін көрнекі практикалық мысал ретінде көрсете отырып, жұмыс мамандықтарын дәріптеді.
Сонымен қатар, форум аясында жастар арасында жұмысшы мамандықтарының беделін арттыру, сапалы кәсіби білім беру және еңбек нарығын заманауи құзыреті бар мамандармен қамтамасыз ету мәселелері талқыланды.
