Елордадағы №7 «Аққу» балабақшасы Көрісу күнін ерекше атап өтіп, ата-аналармен бірге ұлттық салт-дәстүрді дәріптеп, қазақтың бай мәдениетін танытуға үлес қосты, деп хабарлады қала әкімдігінің ресми сайты.
Ата-аналар мен балалар ұлттық тағамдардан дәм татып, салт-дәстүрімізді еске түсірді, деп хабарлайды DKnews.kz.
Олар ұлттық киімдерін киіп, көрісу күнінің тарихын көрсетіп, көрініс қойды. Дәстүр бойынша, ақсақалды қария бата беріп, ақтан ауыз тиді. Сондай-ақ, көрісу күнінің мәні мен маңызы терең түсіндірілді.
«Біз жыл сайын осы мерекені асыға күтеміз. Ата-аналармен көрісу күнін балабақшада атап өтуді дәстүрге айналдырдық. Бүгінде еңбектеген баламыздан еңкейген қариямызға дейін береке мен бірлігімізді көрсетіп, амал мерекесін қуанышпен атап өттік», - деді балабақшаның ата-аналар комитетінің төрағасы Айдана Қайратқызы.
Бұл іс-шара балаларға қазақ халқының салт-дәстүрлері мен мәдениетін танытуға мүмкіндік берді. Ата-аналар арасындағы бірлікті нығайтып, бір-біріне деген құрметтерін арттырды.
