Ертең Алматыда «Almaty Clean&Green» сенбілігі өтеді, деп хабарлайды DKnews.kz.
2025 жылы 23 наурызда «Таза Қазақстан» және «Алматы – біздің ортақ үйіміз» аясында Тазару күніне орай «Almaty Clean&Green» жалпықалалық акциясы өтеді.
Сенбілік барысында қоғамдық кеңістіктер, саябақтар, скверлер мен аулалар тазартылып, көгалдандырылады. Негізгі іс-шара – жаппай ағаш отырғызу.
Алматы әкімдігі қатысушыларды көшеттермен, тазалау және отырғызу құралдарымен қамтамасыз етеді. Жиналған қоқыс қайта өңдеуге жіберіледі.
Акция сағат 9:00-де басталып, қала бойынша бірнеше жерде өтеді.
Тұрғындар үшін Абай-Байтұрсынов даңғылынан сенбілік өтетін негізгі орындарға дейін арнайы автобус қатынайды.
Бағдарламада шағын концерт, экология бойынша шеберлік дәрістер, викторина және арқан тартыс пен тоғызқұмалақ ұлттық ойындары бар.
