Қазақстан хоккей құрамасы Польшадағы Сосновец қаласында өтетін IA дивизионының әлем чемпионатына аттанып барады. Ұлттық құраманың бас бапкері болып бұрынғы танымал хоккейші Талғат Жайлауов тағайындалды. Бұл турнирде Қазақстан ең мықты құрамалар ойнайтын элиталық дивизионға жолдама үшін күреседі. Команда БАҚ өкілдері үшін ашық жаттығу өткізіп, алдағы турнирге қатысты сұрақтарға жауап берді.
Әлем чемпионатына Қазақстан құрамасы нақты мақсатпен, артық қысымсыз, бірақ өздеріне қоятын ішкі талаппен – барлық матчта жеңіске жету ниетімен келіп отыр.
Құраманың көшбасшыларының бірі, «Барыс» хоккей клубының қорғаушысы Самат Данияр былай дейді:
«Көңіл-күй де, атмосфера да жақсы, жауынгерлік рух бар. Дайындықты Астанада өткіздік, енді Минскіде жалғастырамыз. Әлем чемпионатына ең жақсы формада жетеміз деп ойлаймын».
Қазақстан құрамасы турнирдің фавориттерінің бірі саналады және өз алдына ең жоғары мақсат қояды. Самат Данияр бұл туралы: «Жүз пайыз – элитаға шығу. Бұл – біздің негізгі мақсатымыз», – деді.
Сонымен қатар, турнирдегі қарсыластардың барлығы мықты екенін атап өтті:
«Қарсыластар жақсы, күшті. Кейбірімен бұрын ойнағанбыз, не күтуге болатынын білеміз. Өте тартысты әрі қызықты ойындар болады деп ойлаймын».
Әсіресе турнир қожайындарына ерекше назар аударылады:
«Польша құрамасы өз алаңында ойнайды, жанкүйерлері оларды алға жетелейді. Франция да – мықты қарсылас. Жапония, Украина, Литва – бәрі де жақсы командалар, әлсізі жоқ».
Команда ішінде қатты қысым жоқ. Себебі ел намысын негізінен бір клуб жүйесіндегі ойыншылар – «Барыс» өкілдері қорғайды:
«Құрам жаңарды, кейбір көшбасшылар болмайды. Бұл турнир тең деңгейде өтеді деп ойлаймын. Қалай боларын білмейміз, бірақ өзімізге байланыстының бәрін жүз пайыз жасаймыз», – деді қорғаушы.
Бұл құрамда «химия» мәселесі де жоқ. Ойыншылар бір-бірін жақсы біледі:
«Көп жерде бірге ойнадық, күн сайын дерлік араласамыз. Мұз айдынында бір-бірімізді жақсы түсінеміз. Атмосфера жақсы, әзілдесіп, сөйлесіп жүреміз».
Құрамда басқа клубтардың да өкілдері бар: «Барыс», «Номад», «Сарыарқа», «Торпедо», «Горняк». Бірақ Самат Даниярдың айтуынша, бұл жай ғана ойыншылар жиынтығы емес, қалыптасқан ұжым.
Турнир қожайындары туралы қосымша мәліметті Польша чемпионатында ойнаған Андрей Буяльскийден алған:
«Ол бізге арена мен атмосфера туралы айтып берді. Буяльский олардың өз алаңында өте қауіпті қарсылас екенін растады. Польша чемпионатында да жақсы хоккейшілер ойнайды».
Самат Данияр атап өтті:
«Мұнда әркімнің рөлі – көшбасшы болу. Нәтиже әр ойыншыға байланысты: барлық жиырма ойыншы мен қақпашыларға. Барлығы өз жұмысын барынша жақсы орындап, командаға, елге және жанкүйерлерге толықтай берілуі тиіс».
«Барыс» клубы маусымды плей-оффтан тыс аяқтағанына қарамастан, қорғаушы былай деді:
«Ең алдымен клубтағы жанкештілікті сақтап қалу керек. Әр ойында бар күшіңді салып, өз жұмысыңды ең жоғары деңгейде орындау қажет».
