Ақтау гарнизонының теңізшілері парадқа дайындалу үшін Астанаға жолға шықты

5797
Фотосурет: Gov

Ақтау гарнизонындағы Әскери-теңіз күштерінің офицерлерінен, старшиналары мен матростарынан құралған 150-ден астам әскери қызметшісі Ұлы Отан соғысындағы Жеңістің 80 жылдығына арналған әскери парадқа дайындық үшін Астанаға шықты, деп хабарлайды DKnews.kz.

7 мамырда Астанада өтетін салтанатты парадқа қатысатын теңізшілерді туған-туыстары вокзалда зор ықыласпен және мақтанышпен шығарып салды.

– Ұлымды мақтан тұтамын, – деді матрос Әли Битевтің анасы Гүлмира Қалмұратова, – ол алты айдан бері әртекті корабльдер  дивизионында әскери корабльде қызмет етіп келеді. Парадқа қатысу – бұл үлкен мәртебе және мұндай мүмкіндік бәріне бірдей беріле бермейді. Барлық теңізшілерге осы жауапты миссияны орындауда сәттілік тілеймін. 

Әскери парадқа әртүрлі бөлімшелердің теңізшілері, соның ішінде әртекті корабльдер дивизионы, десанттық-шабуылдау батальоны, гидрографиялық қамтамасыз ету қызметі, коменданттық рота және Әскери-теңіз күштерінің оқу-жаттығу орталығы қатысады.

Шеруге дайындық қарқынды жүріп жатыр және әскери қызметшілердің әрқайсысы бұл күннің ел үшін қаншалықты маңызды екенін түсінеді. Олар өздерін машығын және Астанадағы Жеңіс парадында Қазақстанның Әскери-теңіз күштерін лайықты деңгейде көрсетуге дайын.

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -