Акциялар нарығын капиталдандыру негізінен KASE индексінің, «Қазақтелеком» АҚ (-3,7%) және «Қазатомөнеркәсіп» ҰАК» АҚ (-5,6%) өкілдік тізіміне кіретін акциялар бағасының төмендеуі есебінен 2025 жылғы ақпанда 77,9 млрд теңгеге немесе 0,2%-ға төмендеп, 2025 жылғы 1 наурыздағы жағдай бойынша 32,0 трлн теңгені құрады (2025 жылдың басынан бастап 2,6%-ға немесе 0,9 трлн теңгеге төмендеді), деп хабарлайды DKnews.kz.
Акциялармен сауда-саттық көлемі негізінен «ҚазМұнайГаз» ҰК» АҚ, «Қазақтелеком» АҚ және «KEGOC» АҚ акцияларымен сауда-саттық көлемінің өсуі есебінен бір айда 38,1%-ға немесе 7,2 млрд теңгеге ұлғайып, биыл ақпан айында 25,9 млрд теңгені құрады.
2025 жылғы 1 наурыз дағыжағдай бойынша«Қазақстанқорбиржасы» АҚ(бұдан әрі – KASE) саудатізімдерінде 82 қазақстандық эмитенттің 97 атауының акциялары болды, оныңішінде 2 эмитенттің 2 атауының акциялары «Листингтік емес бағалықағаздар» секторын даайналысқажі берілді.
2025 жылғы ақпанда KASE индексі 0,4%-ға 5 620,34 тармаққа дейін азайды (2025 жылдың басынан бастап 0,8%-ға өсті).
«KASE Global» секторында 2025 жылғы 1 наурыздағы жағдай бойынша 47 атаудағы акциялары және 56 шетелдік эмитенттің 13 ETF болды. «KASE Global» секторындағы сауда-саттық көлемі негізінен NVIDIA Corp., Tesla, Inc., Occidental Petroleum Corp. акцияларымен сауда-саттық көлемін азайту есебінен бір айда 16,3%-ға немесе 1,2 млрд теңгеге азайып, 2025 жылғы ақпанда 6,3 млрд теңгені құрады.
KASE-де саудаланатын корпоративтік борыштың көлемі 2025 жылғы ақпанда 2,9%-ға немесе 403,7 млрд теңгеге 13,6 трлн теңгеге дейін азайды (2025 жылдың басынан бастап 0,6%-ға азайды).
KASE-де Корпоративтік облигациялармен сауда-саттық көлемі 2025 жылғы ақпанда негізінен бастапқы нарықтағы сауда-саттық көлемінің өсуі есебінен алдыңғы аймен салыстырғанда 98,1%-ға немесе 200,0 млрд теңгеге дейін ұлғайды. 2025 жылғы 1 наурыздағы жағдай бойынша KASE сауда тізімдерінде 128 эмитенттің корпоративтік облигацияларының 522 шығарылымы болды (01.01.2025ж. – 126 эмитенттің корпоративтік облигацияларының 511 шығарылымы).
Корпоративтік облигациялардың бастапқы нарығының көлемі 2025 жылғы ақпанда 115,9 млрд теңгені құрады, бұл 2025 жылғы қаңтардағы көрсеткіштен 159,0%-ға немесе 71,2 млрд теңгеге көп.
KASE-де саудаланатын мемлекеттік борыш 2025 жылғы ақпанда 3,5%-ға 27, 9 трлн теңгеге дейін ұлғайды (2025 жылдың басынан бастап 3,3%-ға немесе 0,9 трлн теңгеге өсті). KASE-де мемлекеттік бағалы қағаздармен сауда-саттықтың жиынтық көлемі бір айда 18,2%-ға немесе 103,0 млрд теңгеге ұлғайып, 2025 жылғы ақпанның қорытындысы бойынша 670,5 млрд теңгені құрады.
2025 жылғы ақпанда МБҚ бастапқы нарығындағы сауда-саттық көлемі 79,9%-ға 514,5 млрд теңгеге дейін ұлғайды. Барлық көлем ҚР Қаржы министрлігінің орналастыруына, өтеуге кірістілігі 13,40-14,60% болатын облигациялардың 11 шығарылымын орналастыруға тиесілі.
Ұжымдық инвестициялау нарығында 2025 жылғы 1 наурыздағы жағдай бойынша 58 инвестициялық пай қоры, оның ішінде 24 аралық, 33 жабық және 1 ашық пай қоры жұмыс істеді.
Инвестициялық пай нарығындағы басқарудағы активтер 2025 жылғы ақпанда негізінен жекелеген инвестициялық қордың 5,6 млрд теңге мөлшеріндегі шетел валютасын теріс қайта бағалау есебінен 0,7%-ға немесе 2,4 млрд теңгеге азайып, 2025 жылғы 1 наурыздағы жағдай бойынша 347,8 млрд теңгені құрады (жыл басынан бері 1,1%-ға азаю). 2025 жылғы 1 наурыздағы жағдай бойынша бағалы қағаздар портфелі 298,0 млрд теңгені немесе инвестициялық пай қорларының жиынтық активтерінің 85,7%-ын құрады.
2025 жылғы 1 наурыздағы жағдай бойынша бағалы қағаздар нарығының институционалдық құрылымына 40 брокер мен дилер (16 банк және 24 банктік емес ұйым), 11 кастодиан-банк, 21 инвестициялық портфельді басқарушы, 3 трансфер-агент, сондай-ақ 3 инфрақұрылымдық ұйым: KASE, KASE Клирингтік орталығы және бірыңғай тіркеуші мен сауда репозиторийінің функцияларын орындайтын Бағалы қағаздардың орталық депозитарийі кірді.
2025 жылғы ақпанда Орталық депозитарийдің номиналды ұстау жүйесіндегі шоттардың саны 3,7%-ға ұлғайып, 3 861,7 мың шотты құрады, оның ішінде:
- депоненттер клиенттерінің қосалқы шоттарының саны 688,0 мың қосалқы шотқа дейін 1,3 мыңға немесе 0,2%-ға ұлғайды (2025 жылдың басынан бастап 2,6 мыңға немесе 0,4%-ға өсу);
- брокерлер ашқан және жинақталған омнибус-шоттар арқылы есепке алынатын дербес шоттардың саны 3 173,7 мың шотқа дейін 136,5 мыңға немесе 4,5%-ға ұлғайды (2025 жылдың басынан бастап 358,4 мыңға немесе 12,7%-ға өсу).
Бағалы қағаздар нарығына кәсіби қатысушылардың активтері 2025 жылғы ақпанда негізінен бағалы қағаздарды сату нәтижесінде 12,2%-ға немесе 89,1 млрд теңгеге азайып, 2025 жылғы 1 наурыздағы жағдай бойынша 640,8 млрд теңгені құрады (жыл басынан бастап 16,7%-ға азайды).
Міндеттемелер негізінен РЕПО операцияларының азаюы есебінен 44,2%-ға немесе 90,8 млрд теңгеге 114,6 млрд теңгеге дейін азайды (жыл басынан бастап 52,5%-ға азайды).
Жарғылық капиталдың 5,5 млрд теңге мөлшерінде өсуі нәтижесінде меншікті капитал 0,3%-ға немесе 1,7 млрд теңгеге 526,2 млрд теңгеге дейін төмендеді.
