2025 жылғы 1 наурыздағы жағдай бойынша Қазақстан Республикасының сақтандыру секторында 25 сақтандыру ұйымы бар, оның 10-ы – өмірді сақтандыру бойынша, деп хабарлайды DKnews.kz.
2025 жылғы ақпанның қорытындысы бойынша сақтандыру (қайта сақтандыру) ұйымдарының активтері 1,0%-ға 3,2 трлн теңгеге ұлғайды (2025 жылдың басынан бері 3,5%-ға өсу), ол негізінен сақтандыру қызметі бойынша кірістердің өсуі нәтижесінде болды.
2025 жылғы 1 наурызда активтер құрылымында ең көп үлес бағалы қағаздарға – 73,5% (2,4 трлн теңге), екінші деңгейдегі банктердегі ақшалай қаражат пен салымдарға – 6,5% (211 млрд теңге), сақтандыру дебиторлық берешекке – 4,7% (151 млрд теңге) тиесілі.
Сақтандыру (қайта сақтандыру) ұйымдарының міндеттемелері негізінен сақтандыру резервтерінің өсуі нәтижесінде 2025 жылғы ақпанда
1,7%-ға 2,3 трлн теңгеге дейін ұлғайды (2025 жылдың басынан бері 4,6%-ға өсу).
Сақтандыру (қайта сақтандыру) ұйымдарының меншікті капиталы есепті кезеңдегі бөлінбеген пайданың төмендеуі нәтижесінде 2025 жылғы ақпанда 0,6%-ға немесе 5,3 млрд теңгеге 955 млрд теңгеге дейін азайды (2025 жылдың басынан бері 1,1%-ға өсу).
2025 жылғы ақпанда сақтандыру ұйымдары негізінен 30,3 млрд теңге мөлшерінде шетел валютасын теріс қайта бағалау себебінен 3,3 млрд теңге мөлшерінде залал алды.
2025 жылғы ақпанда жеке және заңды тұлғалар бойынша жасалған сақтандыру шарттарының саны 4,1 млн шартты құрады, бұл 2024 жылдың осындай кезеңімен салыстырғанда 40,9%-ға көп. Негізгі өсім жазатайым оқиғалардан сақтандыру (1 128,7 мың шарт немесе 130,4%) бойынша шарттарға тиесілі.
Сақтандыру шарттары бойынша қабылданған сақтандыру (қайта сақтандыру) сыйлықақылары 2025 жылы ақпанда 127,0 млрд теңгені құрады. 2025 жылдың басынан бері сақтандыру сыйлықақылары 281,7 млрд теңгені құрады, бұл 2024 жылғы ұқсас кезеңмен салыстырғанда 23,8%-ға артық. Тікелей сақтандыру шарттары бойынша қабылданған сақтандыру сыйлықақыларының көлемі 2025 жылдан бастап 259,8 млрд теңгені құрады.
Ерікті жеке сақтандыру бойынша сақтандыру сыйлықақыларының көлемі 2025 жылғы ақпанда 69,6 млрд теңгені, 2025 жылдан бастап 131,5 млрд теңгені құрады, бұл 2024 жылғы ұқсас кезеңмен салыстырғанда 48,4%-ға немесе 42,9 млрд теңгеге артық. Өсу негізінен жазатайым оқиғалардан сақтандыру бойынша 2 есе немесе 23,5 млрд теңгеге және зейнетақы аннуитеттік сақтандыру бойынша 1,9 есе немесе 21,2 млрд теңгеге жиналған сыйлықақылар сомасының ұлғаюына байланысты.
Ерікті мүліктік сақтандыру бойынша 2025 жылғы ақпанда 7,3 млрд теңге сомасында, 2025 жылдың басынан бері 18,7 млрд теңге сомасында сақтандыру төлемдері жүзеге асырылды, бұл 2024 жылғы ұқсас кезеңмен салыстырғанда, 42,2%-ға немесе 5,6 млрд теңгеге артық.
Міндетті сақтандыру бойынша сақтандыру төлемдері 2025 жылғы ақпанда 22,4 млрд теңгені, 2025 жылдың басынан бері 42,8 млрд теңгені құрады, бұл 2024 жылғы ұқсас кезеңмен салыстырғанда 14,1%-ға артық. Өсу негізінен көлік құралдары иелерінің азаматтық-құқықтық жауапкершілігін сақтандыру сыйлықақылардың ұлғаюымен байланысты (29,4%-ға немесе 4,0 млрд теңгеге ұлғаю).
2025 жылғы ақпандағы сақтандыру төлемдері 28,6 млрд теңгені, 2025 жылдың басынан бері 61,0 млрд теңгені құрады, бұл 2024 жылғы ұқсас кезеңмен салыстырғанда 42,1%-ға артық, барлығы 101 мың төлем жасалды.
