Қорғаныс министрінің гарнизондар мен әскери бөлімдерге ағаш көшеттерін жаппай отырғызу жөніндегі бастамасын Кеңес Одағының Батыры генерал-майор Сабыр Рахымов атындағы әскери колледждің жеке құрамы жігерлене қабылдады, деп хабарлайды DKnews.kz.
Сайрам-Өгем мемлекеттік ұлттық табиғи паркінің ұжымымен бірлесе отырып, "Табиғатты аялайық – болашақты ойлайық" ұранымен 80 көшет отырғызды.
Салтанатты жиында Кеңес Одағының Батыры генерал-майор Сабыр Рахымов атындағы әскери колледждің бастығы полковник Мақсат Ақшалов акцияның табиғатты қорғау үшін жастарды жауапкершілікке тәрбиелеудегі маңыздылығын атап өтті.
– Мұндай шаралар адамдардың ынтымағын арттырады, ең бастысы, еңбегіміздің жемісі кейінгі ұрпақты қуантады, – деді ол.
Көгалдандыру бастамасының маңыздылығын атап өткен Сайрам-Өгем мемлекеттік ұлттық табиғи паркінің директоры Сағадат Нұржігітов акцияға белсенді қатысқаны үшін колледжге алғысын білдірді. Алғыс ретінде ол колледж басшылығына алғыс хат пен тәрбиеленушілердің ұлттық саябақта демалысын ұйымдастыруға арналған 25 жолдама табыс етті.
Колледж ұжымы мен ұлттық парк қызметкерлерінің бірлескен күш-жігерімен арша, жеміс және жапырақты ағаш көшеттері отырғызылды. Шара соңында саябақ қызметкерлері өсімдіктерге күтім жасау жөнінде нұсқаулық өткізді. Колледж тәрбиеленушілері көшеттерге қамқорлық болып, олардың ұсыныстарын орындауға уәде берді.
