Қазақстан шахмат чемпионаты: Елназ Қалихамет пен Қазыбек Нөгербек — жаңа чемпиондар!

14 жастағы Елназ Қалиахмет ел чемпионы атағын алып, шахматтан Қазақстанның ең жас чемпионы атанды, деп хабарлайды DKnews.kz.

Ерлер арасында алтын медальді алғаш рет 21 жастағы гроссмейстер Қазыбек Нөгербек иеленді. Чемпионаттың финалы Астанада өтіп, елдің ең мықты шахматшыларын бір алаңға жинады.

 Әйелдер турнирі:

Турнир бойы Елназ сенімді түрде көш бастап отырды. Соңғы турда ол бұрынғы чемпион Әмина Қайырбековамен кездесіп, жеңісін бекіте түсті. Елназ 13 мүмкіндіктен 10 ұпай жинап, рейтингіне +87,6 қосып, қарсыластарынан басып озды. Күміс медаль 15 жастағы Зарина Нұрғалиеваға бұйырды. Қола жүлдені 2021 және 2022 жылдардың чемпионы Меруерт Камалиденова иеленді.

Қорытынды кесте (Women):

1. WFM Елназ Қалиахмет (2258, Алматы обл.) – 10 ұпай
2. WFM Зарина Нұрғалиева (2235, Атырау обл.) – 9½
3. IM Меруерт Камалиденова (2345, Астана) – 8½
4. WGM Ксения Балабаева (2311, Алматы) – 8
5. WGM Алуа Нұрман (2338, Алматы) – 7½
6. WGM Лия Құрманғалиева (2246, Алматы) – 7½
7. WIM Әсел Серікбай (2223, Қызылорда обл.) – 7
8. Жанбота Қамарова (1954, Ақмола обл.) – 7
9. WIM Әмина Қайырбекова (2344, Астана) – 7
10. WFM Кристина Попандопуло (2061, Қарағанды обл.) – 6½
11. WIM Аяулым Қалдарова (2115, Шымкент) – 4½
12. WFM Мария Холявко (2130, Алматы) – 3½
13. Әсия Асылхан (1939, Түркістан обл.) – 2½
14. WFM Жәния Науанова (2031, Павлодар обл.) – 2

Ерлер турнирі:

Соңғы тур ерекше драмалық сәттермен аяқталды. Қазыбек Нөгербек пен Денис Махнёв 9 ұпайдан жинап, чемпион тағдыры рапид және блиц матчтар сериясында шешілді. Шешуші армагеддонда Қазыбек жеңіске жетіп, алғаш рет Қазақстан чемпионы атанды.
Үшінші орын – Алдияр Аңсатқа, төртінші – Жандос Ағмановқа бұйырды.

Қорытынды кесте (Open):

1–2. GM Қазыбек Нөгербек (2538, Астана) – 9
1–2. GM Денис Махнёв (2526, Павлодар обл.) – 9
3. IM Алдияр Аңсат (2489, ШҚО) – 8
4. IM Жандос Ағманов (2480, Астана) – 8
5. IM Даниял Сапенов (2415, Қарағанды обл.) – 7½
6. GM Әлішер Сүлейменов (2515, Павлодар обл.) – 7
7. GM Рамазан Жалмаханов (2456, Алматы) – 7
8. IM Әбілмансұр Әбділхайыр (2401, Шымкент) – 6
9. FM Ерғали Сүлеймен (2302, Астана) – 6
10. IM Сәтбек Ахмединов (2392, Астана) – 6
11. FM Алдияр Жауынбай (2265, Астана) – 5½
12. IM Аян Ахметов (2410, Астана) – 5
13. IM Әлібек Ығамбергенов (2315, БҚО) – 4
14. FM Ерлан Тлеуханов (2169, Алматы) – 3½

Турнирдегі барлық партияларды Қазақстан шахмат федерациясының YouTube арнасынан көруге болады.

Толық нәтижелер.

2025 жылғы Қазақстан чемпионаты бәсекелестіктің жоғары деңгейін көрсетіп, келесі маусымға жаңа серпін сыйлады. Елназ Қалиахмет қазақстандық шахмат тарихының жаңа парағын ашты, ал ерлер турнирі соңғы жүріске дейінгі күрестің жарқын үлгісіне айналды.