Мемлекеттік қызметшілер күнін мерекелеу аясында елорданың Мемлекеттік кірістер органдарының қызметкерлері арасында командалық рухты нығайтуға, салауатты өмір салтын насихаттауға және персоналдың уәждемесін арттыруға бағытталған спорттық іс — шара-спартакиада өткізілді, деп хабарлайды DKnews.kz.
Спартакиадаға дене шынықтырудың жоғары деңгейін, табандылықты, ұйымшылдықты және нәтижеге жетуге ұмтылуды көрсеткен ондаған қызметкерлер қатысты. Жарысқа командалық және жеке пәндер — мини-футбол, үстел теннисі, шахмат және басқа да спорт түрлері кірді.
Жарыс қорытындысы бойынша әр санаттағы жеңімпаздар мен жүлдегерлер анықталды. Олардың барлығы салтанатты түрде грамоталармен, медальдармен және естелік сыйлықтармен марапатталды.
Қатысушыларға Астана қаласы бойынша МКД басшысы Шыңғыс Әнуарбеков құттықтау сөз сөйлеп, әріптестерін кәсіби мерекелерімен құттықтап, белсенді қатысқаны, спорттық көзқарасы мен адалдығы үшін алғыс айтты. Өз сөзінде ол корпоративтік мәдениетті дамыту және кәсіби бірлікті нығайту үшін осындай іс-шараларды өткізудің маңыздылығын атап өтті.
Өткізілген спартакиада спорттың ұжымды біріктіруге, ұйым ішінде оң жұмыс атмосферасын қалыптастыруға қалай ықпал ететіндігінің айқын мысалы болды.
