Мемлекет басшысының тапсырмасы бойынша прокуратура органдары маңызды инвестициялық жобаларды дәйекті түрде сүйемелдеп келеді, деп хабарлайды DKnews.kz.
Осы жұмыс шеңберінде Бас прокуратура 2022 жылдан бастап тазарту құрылысы зауытын салу жобасын іске асырып келе жатқан «TAZAU» ЖШС инвесторының проблемасын анықтады.
Бұл серіктестік - сыртқы инженерлік желілерге, шаруашылық-тұрмыстық, жер үсті және өндірістік сарқынды суларға арналған тазарту құрылыстарына арналған өнімдердің отандық өндірушісі.
Жоғары қадағалау органы қызметкерлерінің жеке қабылдауы барысында инвестор орталықтандырылған жылытудың болмауына байланысты жобаны аяқтай алмайтындығы туралы хабарлады, ол үшін жылу энергиясының баламалы көзі —газгольдер орнату қажет.
Алайда, бұл үшін инвесторға жер учаскесінің көлемін ұлғайту қажет болды.
Инвестордың бұл мәселені шешуге бағытталған әрекеттері оң нәтиже бермеді.
Прокуратураның араласуынан кейін инвесторға қосымша жер учаскесі берілді, жобаны іске асыру жалғастырылды.
Бұрын инвесторға электр энергиясы желілеріне қосылу үшін техникалық шарттарды алуға көмек көрсетілді.
Компания ағымдағы жылдың қыркүйек айында 500 млн теңгеге жобаны іске қосуды жоспарлап отыр, оның аясында 50 жұмыс орны құрылады.
Жалпы, прокурорлар елдің инвестициялық тартымдылығын жақсартуға, инвесторлардың құқықтары мен заңды мүдделерін қорғауды қамтамасыз етуге бағытталған.
Бұл жұмыс жалғасуда және ерекше бақылауда.
