«Ұлттық қор - балаларға»: жас қазақстандықтар 16,5 млн долларды баспана мен білімге жұмсады, деп хабарлайды DKNews.kz.
«Ұлттық қор - балаларға» бағдарламасы бойынша алғашқы нақты нәтижелер белгілі болды. 2025 жылғы 1 тамыздағы жағдай бойынша, 2024 жылдың 1 ақпанынан бері еліміздің балалары мен олардың ата-аналары нысаналы жинақтар есебінен 16,51 млн АҚШ долларын пайдаланды. Бұл қаражат 126 468 өтініш бойынша уәкілетті операторлар арқылы өтініш иелерінің шоттарына аударылған.
Бағдарламаның екі негізгі бағыты - тұрғын үй жағдайын жақсарту және білім алу ақысы.
- 78 862 өтініш тұрғын үйге байланысты – жалпы сомасы 10,56 млн доллар
- 47 606 өтініш білім алуға – жалпы сомасы 5,95 млн доллар
Баспана үшін қалай қолданылып жатыр?
Көп жағдайда қазақстандықтар қаражатты болашақ баспанаға жинақ салымын толықтыру үшін пайдаланған –
76 954 өтініш, 10,32 млн доллар. Сонымен қатар:
- Ипотеканың бастапқы жарнасын төлеу – 619 өтініш, 77,82 мың доллар
- Тұрғын үйді азаматтық-құқықтық мәміле арқылы сатып алу – 478 өтініш, 57,02 мың доллар
Бұл көрсеткіштер жастардың болашағына ерте бастан инвестиция салып жатқанын көрсетеді.
Білімге бағытталған қаражат
Білім саласы бойынша да сұраныс жоғары. Ең танымал бағыттар:
- Қазақстандағы оқу орындарының қызметіне төлем – 41 870 өтініш, 5,29 млн доллар
- Білім жинақ салымын толықтыру – 4 163 өтініш, 475,14 мың доллар
- Шетелдегі оқу ақысын төлеу – 1 284 өтініш, 151,67 мың доллар
Нысаналы жинақты баланың ата-анасы толық та, жартылай да пайдалана алады. Қалған сома нысаналы жинақтау шотында (НЖШ) сақталып тұрады.
Қалай алуға болады?
НЖ қаражатын пайдалану үшін баланың өзі немесе заңды өкілі уәкілетті операторға жүгінуі тиіс. Өтініш беру өте оңай – келесі банктердің сайты немесе мобильді қосымшасы арқылы онлайн жүзеге асады:
- «Отбасы банкі» АҚ
- «Қазақстан Халық банкі» АҚ
- «Банк ЦентрКредит» АҚ (2025 жылғы 1 тамыздан бастап)
Кәмелетке толғандар өздерінің НЖ туралы ақпаратты БЖЗҚ сайты немесе eGov порталы арқылы жеке кабинеттен көре алады.
Балаларға қанша ақша жиналды?
Бағдарлама бойынша жыл сайын Ұлттық қордың инвестициялық кірісінің 50%-ы 2006 жылы және одан кейін туған балаларға бөлінеді.
- 2023 жыл – әр балаға 100,52 доллар
- 2024 жыл – 129,38 доллар
- Ал 2023 жылы алғаш рет ақша түскендерге 3,04 доллар көлемінде кіріс есептелді
Осылайша:
- 2006 жылғы балада – 100,52 доллар
- 2007 жылғы балада – 232,94 доллар
- Келесі жылдарда бұл сома өсе береді
Қайдан толық ақпарат алуға болады?
Бағдарлама шарттары, қадамдық нұсқаулықтар, бейнежолдама мен жауаптар:
