Алматыда ТМД–ға қатысушы мемлекеттердің сейсмикаға төзімді құрылыс саласындағы Базалық ұйымының отырысы өтті, деп хабарлайды DKNews.kz.
Алматыда «ҚазҚСҒЗИ» АҚ ұйымдастырған сейсмикаға төзімді құрылыс саласындағы ТМД–ға қатысушы мемлекеттердің Базалық ұйымының отырысы өтті. Іс-шара Қазақ бас сәулет-құрылыс академиясында (ҚазБСҚА) өтті. Бұл практикалық инженерлік зерттеулер мен білікті кадрларды даярлау арасындағы тығыз байланысты көрсетті.
Отырыстың негізгі мақсаты — тәжірибе алмасу, ғимараттар мен құрылыстардың сейсмикалық қауіпсіздігі мәселелерін талқылау, білікті инженерлік кадрларды даярлау, заманауи технологияларды енгізу және соңғы жер сілкіністерінің тәжірибелік сабақтарын зерделеу үшін ТМД елдерінің күш-жігерін біріктіру болды.
Отырыс жұмысына Қазақстан, Қырғызстан, Өзбекстан, Тәжікстан өкілдері, сондай — ақ арнайы шақырылған халықаралық сарапшы — сейсмикалық тәуекелдер және Канададағы жер сілкінісін жобалау жөніндегі Тұрақты комитеттің Ұлттық құрылыс нормалары бойынша кеңесшісі, техника ғылымдарының докторы Туна Онур қатысты. Ол 2023 жылы Түркиядағы оқиғаларды баяндай отырып, жер сілкінісінің салдарын зерттеу және бақылау нәтижелері туралы баяндама жасады. ТМД-ның басқа елдерінің қатысушылары сейсмикаға төзімді құрылыс, ғимараттарды зерттеу, төтенше жағдайлардың салдарын жою және халықтың қауіпсіздігін қамтамасыз етудің практикалық тәсілдерін әзірлеу саласындағы тәжірибелерімен және зерттеулерімен бөлісті.
Талқылаудың негізгі тақырыптары:
- МД елдеріндегі өзекті сейсмикалық белсенділік және сейсмикалық қауіпсіздікті қамтамасыз ету;
- жер сілкінісіне төзімді құрылыс саласында білікті инженерлік кадрларды даярлау;
- соңғы жер сілкіністеріндегі ғылыми-практикалық мәліметтермен бөлісу;
- сейсмикалық оқшаулаудың инновациялық технологиялары мен жүйелерін енгізу;
- сейсмикалық қауіпті аудандардағы мәдени және тарихи-сәулеттік мұра объектілерін сақтау.
Отырыстың қорытындысы бойынша ынтымақтастық резолюциясы қабылданбақ, ол ТМД елдерінде инженерлік ғылым мен сейсмикаға тұрақты құрылыс тәжірибесін одан әрі бірлесіп дамытуға негіз болады.
Отырыс қатысушылардың конструктивті диалогымен аяқталып, елдердің табысты ынтымақтастығы мен практикалық тәжірибе алмасуымен есте қалды.
