Нысана көздеуден Қазақстан ерлер құрамасы әлем чемпионатында тарихи жүлде алды, деп хабарлайды DKNews.kz.
Нысана көздеуден Мысыр астанасы Каирде өтіп жатқан әлем чемпионатында 25 метр қашықтықтан тапаншамен ату сайысында Никита Чирюкин, Кирилл Федькин, Артемий Кабаков бастаған ерлер құрамасы қола медаль жеңіп алды.
🥇🇰🇷Оңтүстік Корея - 1711 ұпай
🥈🇨🇳Қытай - 1700 ұпай
🥉🇰🇿Қазақстан - 1699 ұпай
Жарыс барысында отандастарымыз 2 дүркін әлем чемпионы Павло Коростылёв, Максим Городинец (Украина), Париж Олимпиадасының күміс жүлдегері, 2 дүркін әлем чемпионы Юсуф Дикечтен (Түркия) сынды мықтылардан басып озды.
Ал жеке сайыста Никита Чирюкин 7-орынға тұрақтап, қола жүлдеге 1 ғана ұпай жетпей қалды.
Нысана көздеуден 50 метр қашықтықтан үш позицияда кіші калибрлі винтовкамен атудан командалық сайыста әйелдер құрамасы да қола жүлдегер атанған.
