Air Astana Халықаралық әуе көлігі қауымдастығы (IATA) тарапынан IATA Integrated Sustainability Program (ISP) дамытуға қосқан үлесі үшін ерекше атап өтілді, деп хабарлайды DKNews.kz.
IATA ISP бағдарламасы әуе компанияларына тұрақтылық бағытындағы қызметін тиімді басқаруға және бағалауға арналған кешенді құрылым ұсынады. Бағдарлама ESG көрсеткіштерін жүйелі түрде бақылауды біріктіріп, авиация саласының серіктестеріне, реттеуші органдарға және жолаушыларға компанияның тұрақтылық бойынша ілгерілеуін ашық әрі түсінікті түрде көрсетуге мүмкіндік береді.
Air Astana ISP-тің стандарттарын жетілдіру бойынша IATA-ның пилоттық серіктестерінің бірі ретінде маңызды рөл атқарды. Орталық Азия мен ТМД аймақтарындағы тәжірибесімен бөлісу арқылы әуекомпания әртүрлі операциялық жағдайларды ескеретін және аймақтық ерекшеліктерді көрсететін әмбебап жүйенің қалыптасуына үлесін қосты.
«Тұрақты даму - стратегиямыздың өзегі. IATA және әлемдік әуе компанияларымен бірлесе отырып, біз саламызға, қауымдастыққа және қоршаған ортаға пайда әкелетін стандарттарды дамытуға үлес қосып отырғанымызға қуанамыз», - деді Air Astana компаниясының тұрақты даму жөніндегі директоры Юлия Лим.
IATA-ның жоғары бағасы Air Astana-ның тұрақты даму және жауапты қызмет қағидаттарына берік ұстанымын тағы да дәлелдеп, ESG талаптарының компания жұмысының бөлінбес бөлігі екенін көрсетеді.
