Толығырақ ақпарат HONOR-дың ресми сайтында қолжетімді.
Жасанды интеллектке негізделген құрылғылар экожүйесіндегі жетекші жаһандық бренд HONOR Қазақстанда MagicOS 10 операциялық жүйесінің іске қосылғанын жариялады. Жаңа нұсқа HONOR Magic және HONOR 400 сериялы құрылғыларда қолжетімді, ал алдағы үш ай ішінде жаңартуды басқа модельдер де алады. MagicOS 10 әлемдегі алғашқы ИИ-агенті бар, өзін-өзі дамытуға қабілетті операциялық жүйе, ол адам мен технология арасындағы өзара әрекеттестіктің жаңа дәуірін ашады. Қазақстандағы іске қосу HONOR компаниясының өңірге стратегиялық мән беретінін және озық инновацияларды бүкіл әлем пайдаланушыларына қолжетімді етуге ұмтылысын көрсетеді, деп хабарлайды DKNews.kz.
MagicOS 10 дәстүрлі операциялық жүйелерден AI OS дәуіріне өту кезеңіндегі нақты қадам, яғни құрылғылар тек құрал емес, адаммен бірге үйреніп, дамитын интеллектуалды көмекшіге айналатын жаңа парадигма. Бұл қадам HONOR-дың жаһандық көзқарасын айқындайды: технологиялар пайдаланушы өміріне табиғи түрде интеграцияланып, жайлылықты, өнімділікті және қауіпсіздікті арттыруы тиіс.
HONOR компаниясының бас директоры Джеймс Ли:
«Нағыз AI-жүйе агенттік қағидатқа негізделуі, адамға бағытталуы және өзін-өзі дамыту қабілетіне ие болуы керек. Біз MagicOS жүйесін пайдаланушылармен, серіктестермен және әзірлеушілермен бірге қалыптастырамыз. Ортақ шығармашылық, салалық синергия және экожүйенің гүлденуі - біздің эволюциямызды алға жылжытатын үш негізгі күш»
MagicOS 10 классикалық операциялық жүйеден толыққанды AI OS деңгейіне сапалы серпіліс жасайды. Жүйе құрылғы мен бұлт арасындағы қарапайым үйлестіруден агенттік модельге өтіп, интеллектуалдылықтың жаңа деңгейін ашады.
MagicOS 10 орталығында — MagicLM 3.0 базасында жұмыс істейтін жаңартылған YOYO ассистенті. Енді YOYO көре алады, есте сақтайды және әрекет етеді:
- күнделікті міндеттер мен шығармашылық тапсырмаларды орындайды;
- Magic Color арқылы түсті түзетуді жүзеге асырады;
- командалар бойынша суреттерді өңдейді;
- тамақ жеткізуге тапсырыс беруге, сатып алулар жасауға және такси шақыруға көмектеседі.
MagicOS 10 — платформалар арасындағы шекараны толық жоятын алғашқы операциялық жүйе. Пайдаланушылар HONOR, iOS, Android және Windows құрылғылары арасында фото, видео және құжаттарды еркін, жылдам және еш шектеусіз жібере алады.
Жүйе сондай-ақ жаңа Zero Gravity Transparency дизайнына ие болды, ол интерфейстің барлық деңгейінде энергия тұтынуын арттырмай-ақ мөлдір визуалды эффектілерді қамтамасыз етеді. Сонымен қатар, қолданушыларды қорғау үшін дауыс, бейнефильтрлер және алаяқтық сценарийлерді анықтайтын AI Deepfake Detection функциясы енгізілді.
2022 жылы іске қосылған HONOR Connect платформасы бүгінде 30 миллионнан астам құрылғыны біріктірді. Енді ол қарапайым өзара әрекеттестіктен интеллектуалды байланысқа өтетін HONOR AI Connect форматында жаңа кезеңге қадам басады.
Әзірлеушілерге дауыстық, визуалды және басқа да мультимодальды мүмкіндіктерге күрделі базалық платформаларсыз қол жеткізу мүмкіндігі беріледі. HONOR AI Connect кіру кедергілерін азайтып, шығындарды қысқартады және ортақ AI-сервистерді құруға жол ашады.
Бүгінде HONOR 200-ден астам серіктеспен жұмыс істейді және IoT-құрылғыларын тегін қосу мүмкіндігін ұсынады, осылайша инновациялар мен өсім үшін ең қолайлы жағдай жасайды.
HONOR ашық серіктестік қағидатын ұстанып, жаһандық серіктестерді AI-құрылғылар экожүйесін бірлесе дамытуға шақырады. Компанияның мақсаты — интеллектуалды технологияларды баршаға қолжетімді ету және AI OS дамуының жаңа кезеңіне бірге қадам басу.
