Смартфон нарығы кемеліне келген сайын өсімнің өзі жетістік болудан қалды. Брендтің шынайы күші - нарықтағы үлесін сақтай білуі, сападан айырылмай ауқымын кеңейтуі және пайдаланушының күнделікті өміріне табиғи түрде енуі. HONOR үшін Қазақстандағы 2025 жылдың қорытындысы дәл осыны көрсетеді: ұрандарға емес, нақты көрсеткіштер мен қайталанатын таңдауға негізделген сенім, деп хабарлайды DKNews.kz.
Android нарығындағы топ-3 - нарыққа берілген белгі
Жыл қорытындысы бойынша HONOR Қазақстанда Android құрылғылары арасында нарық үлесі жағынан топ-3 қатарына кірді. Бір жағында жаһандық технологиялық алыптар, екінші жағында агрессивті баға саясатын ұстанатын ойыншылар тұрған нарықта бұл көрсеткіш брендтің «балама нұсқадан» негізгі нарықтық ойыншыға айналғанын аңғартады.
Жыл басынан бері Қазақстанда HONOR-дың 250 мыңнан астам құрылғысы сатылды. Оның ішінде смартфондар да, IoT өнімдері де бар. Бұл сан бір реттік сұранысты емес, экожүйенің біртіндеп кеңейіп жатқанын көрсетеді. Пайдаланушылар жеке бір құрылғыны емес, өзара үйлесіп жұмыс істейтін технологиялар жиынтығын таңдай бастады.
Бестселлерлер - стратегияның айнасы
2025 жылғы HONOR смартфондары брендтің аудиторияны шартты «портреттерге» емес, нақты пайдалану сценарийлеріне қарай бөлетінін айқын көрсетті.
HONOR 400
Қазақстандағы ең көп сатылған HONOR смартфоны. Бұл флагман да емес, бюджеттік модель де емес, күнделікті өмірге дәл бейімделген теңгерімді өнім. Экран, өнімділік және дизайн - барлығы жұмыс, байланыс, ойын-сауық секілді күнделікті міндеттерге ыңғайланып жасалған. Нарықтағы негізгі үлесті қалыптастыратын да, ұзақ мерзімді адалдықты тудыратын да осындай модельдер.
HONOR X9d
Белсенді өмір салтын ұстанатын пайдаланушыларға арналған смартфон. Мұнда басты артықшылық - автономдылық пен сенімділік. Смартфон күн сайынғы жұмыс құралына айналған кезде, дәл осы сипаттамалар шешуші мәнге ие болады.
HONOR Magic7 Pro
Брендтің технологиялық мүмкіндіктерін көрсететін флагман. Камералар, жоғары өнімділік және интеллектуал функциялар HONOR-дың премиум сегменттегі орнын айқындайды әрі брендтің ұзақмерзімді имиджін қалыптастырады.
MagicOS және жасанды интеллекттің рөлі
HONOR-дың барлық заманауи смартфондары MagicOS операциялық жүйесінде жұмыс істейді. Мұндағы басты ерекшелік - жасанды интеллекттің жеке функция ретінде емес, инфрақұрылымдық қабат ретінде қолданылуы.
AI күнделікті процестерге кіріктірілген - фотосуреттерді өңдеуден бастап интерфейсті даралауға, өнімділікті оңтайландыруға дейін. Пайдаланушы жасанды интеллектпен тікелей «сөйлеспейді», бірақ оның нәтижесін жылдамдық, ыңғайлылық және тұрақты жұмыс түрінде сезінеді.
Бұл модельді Google компаниясының AI шешімдері толықтырады. MagicOS-пен бірге олар іздеу, навигация және ақпаратпен жұмыс істеуді біртұтас әрі икемді ортаға айналдырады.
Жеке құрылғылар емес, экожүйе
HONOR-дың Қазақстандағы стратегиясы экожүйелік тәсілге негізделген. Смартфон мұнда пайдаланушының цифрлық тәжірибесінің орталығы - сервистерді, IoT құрылғыларын және күнделікті сценарийлерді байланыстыратын негізгі буын.
Бұл үрдісті компанияның өз ішінде де растайды. HONOR компаниясының Қазақстандағы PR-менеджері Кирилл Чорней былай дейді:
«Біз үшін бұл сандар – жай ғана сату көрсеткіші емес. Бұл Қазақстандағы пайдаланушылардың HONOR брендіне сенетінін және оны саналы түрде таңдайтынын дәлелдейді. Біз адамдар үшін жекелеген функциялардан гөрі, экожүйе мен жасанды интеллектке негізделген тұтас пайдаланушылық тәжірибенің маңызды екенін көріп отырмыз».
Рационалды тұтынушы басым нарықтарда бұл тәсіл ерекше маңызды. Мұнда жыл сайын смартфон ауыстыру емес, құрылғының ұзақ уақыт бойы өзектілігін сақтау құнды саналады. Экожүйе дәл осы талапқа жауап береді және брендті қысқамерзімді сұраныс ауытқуларынан қорғайды.
2025 жылдың нәтижелері HONOR-дың Қазақстанда тұрақты қатысу кезеңіне өткенін көрсетеді. Нарықтағы топ-3 позиция, жүздеген мың сатылған құрылғы және дамып жатқан экожүйе - бұл енді жедел өсім тарихы емес, жүйелі әрі ауқымды бизнес-модельдің көрінісі.
Смартфон нарығы біртіндеп сенім нарығына айналып келе жатқан жағдайда, дәл осындай стратегиялар ең өміршең болып отыр.
HONOR 2013 жылы құрылған және бүгінде интеллектуалды құрылғылардың жетекші жаһандық жеткізушілерінің бірі саналады. Компания инновацияға, сапа мен сервиске басымдық бере отырып, смартфондар, IoT өнімдері және AI шешімдерінен тұратын экожүйені дамытады. Негізгі мақсат - пайдаланушы үшін ұзақ мерзімді құндылық қалыптастыратын технологияларды ұсыну және жаһандық нарықта тұрақты даму.
