Волонтерлік қозғалысты дамыту және әлеуметтік жауапкершілік қағидаттарын іске асыру шеңберінде мемлекеттік қызметшілер халықтың әлеуметтік осал топтарына атаулы көмек көрсетуге бағытталған қайырымдылық акциясына қатысты, деп хабарлайды DKNews.kz.
Акцияның негізгі мақсаты күнделікті өмірді қиындататын ауа райының қолайсыздығы, қардың көптігі және температураның төмендеуі әсерінен қыс мезгілінде қиындықтарға тап болған азаматтарға, әсіресе қарттар, мүмкіндігі шектеулі жандар мен жалғызбасты азаматтарға жәрдемдесу болды.
Мемлекеттік қызметшілер аула және үй маңындағы аумақтарды, кіреберіс жолдарды, тұрғын үйлердің кіреберіс топтарын, сондай-ақ шаруашылық құрылыстарды қардан тазарту бойынша көмек көрсетті. Аталған жұмыстарды жүргізу тұрғын үй-жайларға қауіпсіз кіруді қамтамасыз етуге және көктайғақ жағдайында жарақат алу қаупін төмендетуге мүмкіндік берді.
Сонымен қатар, еріктілер құрамына ең қажетті тауарлар кіретін азық-түлік себеттерін сатып алу мен жеткізуді ұйымдастырды. Азық-түлік көмегі өмірлік қиын жағдайға тап болған азаматтарға олардың бірінші кезектегі қажеттіліктерін ескере отырып көрсетілді. Азық-түлікті жеткізу бару арқылы жүзеге асырылды, бұл жас шамасына немесе денсаулық жағдайына байланысты сауда нысандарына өз бетінше бара алмайтындарды қамтуға мүмкіндік берді.
Мемлекеттік қызметшілердің волонтерлік қызметке қатысуы тек ерікті сипатта және қызметтік міндеттерін орындаудан тыс жүзеге асырылатынын атап өткен жөн.
Мұндай бастамалар белсенді азаматтық ұстанымды қалыптастыруға, өзара жәрдем көрсету мәдениетін дамытуға және мемлекеттік органдар мен халық арасындағы сенімді нығайтуға ықпал етеді.
