Қарағанды облысының кәсіпкерлері бизнеске қатысты ең өзекті мәселелерді тегін шешу мүмкіндігіне ие. Заңгерден кеңес алу, салық есептілігін тапсыру, бизнес-жоспар әзірлеу, тіпті кәсіпкерлік қызметті ашу немесе жабу - мұның барлығы Кәсіпкерлерге қызмет көрсету орталығында (КҚКО) қолжетімді, деп хабарлайды DKNews.kz.
Орталық Қарағанды облысының Кәсіпкерлер палатасы жанынан жұмыс істейді және «бір терезе» қағидаты бойынша қызмет көрсетеді.
Кәсіпкерлерге нақты қандай көмек көрсетіледі
КҚКО мамандары кәсіпкерлерге:
- мемлекеттік қаржылық және қаржылық емес қолдау шараларын түсіндіреді;
- бизнесті бастау немесе тоқтату бойынша кеңес береді;
- ЭҚЖЖ (ОКЭД) мен оңтайлы салық режимін таңдауға көмектеседі;
- шарттар мен бастапқы бухгалтерлік құжаттарды дайындайды;
- қаржыландыру мен несие алу мүмкіндіктерін түсіндіреді;
- бизнес-жоспарды тегін әзірлеп береді.
Мамандардың айтуынша, бұл қызметтер әсіресе жаңа бастаған кәсіпкерлер мен шағын бизнес иелері үшін өте маңызды.
.jpeg)
Қарағандыдан шалғай аудандарға дейін қолжетімді
КҚКО қызметтерін Қарағанды облысының кез келген қалаcы мен ауданындағы кәсіпкерлер пайдалана алады. Ал кеңейтілген қызметтер тізбесі Қарағанды қаласындағы орталықта көрсетіледі.
Қарағанды қаласындағы КҚКО
- Тәттімбет көшесі, 709, 2-қабат
- 8 (7212) 50-64-12
- Байланыс орталығы: 1432
Сонымен қатар, кәсіпкерлер онлайн форматта да кеңес ала алады - https://g4b.kz порталы арқылы.
Қалалар мен аудандардағы КҚКО мекенжайлары
Кәсіпкерлерге кеңес беру облыстың барлық өңірінде жүргізіледі:
- Балқаш - Шашубай шағын ауданы, 3Г, «Кулия-2» БО, 1-кеңсе
- Сарань - Қужанов көшесі, 2
- Қарқаралы ауданы - Аубакиров көшесі, 25
- Бұқар жырау ауданы - Ботақара кенті, Абылай хан көшесі, 41Б
- Осакаров ауданы - Достық көшесі, 35/2
- Абай ауданы - Жеңіс даңғылы, 2
- Шахтинск - Парковая көшесі, 11
- Ақтоғай ауданы - Қ. Байсейітова көшесі, 2
- Шет ауданы - Ақсу-Аюлы ауылы, Шортанбай жырау көшесі, 141А
- Теміртау - Құрылысшылар даңғылы, 47
- Приозерск - Жеңіс бульвары, 4/2
Неліктен бұл маңызды
Салық заңнамасы жиі өзгеріп, есептілік талаптары күрделеніп жатқан кезеңде кәсіпкерлерге кәсіби әрі қолжетімді кеңес ауадай қажет. КҚКО форматы кәсіпкерлерге артық шығынсыз, жылдам және түсінікті түрде көмек алуға мүмкіндік береді.
Сарапшылардың айтуынша, дер кезінде алынған кеңес айыппұлдардан, қате есептен және қаржылық тәуекелдерден сақтайды. Қарағанды облысының кәсіпкерлері үшін бұл - бизнесті сенімді әрі заңды жүргізудің нақты тетігі.
