«Заң және тәртіп» қағидаты аясында елордалық №91 мектепте оқушыларға «Жастардың құқықтық тәрбиесі – сыбайлас жемқорлыққа қарсы дүниетанымның негізі» тақырыбында дәріс өтті, деп хабарлайды Астана қаласы әкімдігінің ресми сайты.
Іс-шара жастардың құқықтық сауаттылығын арттыру, құқықбұзушылықтардың алдын алу, сондай-ақ оқушылардың заңға бағыну мәдениетін қалыптастыру және сыбайлас жемқорлықты қабылдамау ұстанымын орнықтыру мақсатында ұйымдастырылды, деп хабарлайды DKNews.kz.
Дәріс барысында оқушыларға Қазақстандағы негізгі құқықтық нормалар, азаматтардың құқықтары мен міндеттері, сондай-ақ күнделікті өмірде заң талаптарын сақтаудың маңызы түсіндірілді. «Заң және тәртіп» қағидаты аясында құқықбұзушылықтар үшін жауапкершілік мәселесіне және белсенді азаматтық ұстанымды қалыптастыруға ерекше назар аударылды.
Мұндай іс-шараларды өткізу өскелең ұрпақтың құқықтық санасын тәрбиелеуге және жастар арасында сыбайлас жемқорлыққа қарсы дүниетанымды нығайтуға ықпал етеді.
