Онлайн форматта Еуразиялық экономикалық комиссия Кеңесінің кезекті отырысы өтті. Жиында ЕАЭО елдері үшін бірқатар маңызды құжаттар мақұлданды, деп хабарлайды DKNews.kz.
Кеңес қатысушылары ғылыми атақтар туралы құжаттарды өзара тану жөніндегі келісімді қолдады.
Ғалымдарға жаңа мүмкіндік
Жаңа келісім еңбек көші-қоны кезінде ғылыми атақтарды тікелей тануды көздейді. Бұл құжат иелеріне Одақтың басқа мемлекеттерінде өз біліктілігіне сәйкес жұмыс істеуге мүмкіндік береді.
Сараптама нәтижесінде теріс шешім қабылданбаған жағдайда келісім күшіне енгенге дейін берілген құжаттар да ресми түрде мойындалады.
Енді келісім ЕАЭО елдеріне ратификациялау үшін жолданады. Осы рәсім аяқталғаннан кейін құжат күшіне енеді.
Зияткерлік көлік жүйелері дамытылады
Отырыста ЕАЭО елдерінің зияткерлік көлік жүйелерінің өзара іс-қимылын жетілдіру жөніндегі жол картасы бекітілді.
Биыл ақпараттық өзара іс-қимылдың базалық сервистері айқындалады. Деректер алмасу форматтары бойынша ұсыныстар әзірленеді. Қажетті құқықтық база қалыптастырылады.
Кеден және ветеринария саласындағы өзгерістер
Кеңес қорытындысы бойынша ЕАЭО кедендік аумағында ветеринариялық дәрілік заттардың айналысын реттеу қағидаларына өзгерістер енгізу туралы шешім қабылданды.
Техникалық регламенттерді әзірлеу жоспарын өзектендіру мәселесі де қаралды.
Қазақстан төрағалық етуде
Биыл Еуразиялық экономикалық комиссия Кеңесіне Қазақстан төрағалық етеді. Кеңесті Премьер-министрдің орынбасары – ұлттық экономика министрі Серік Жұманғарин басқарады.
Бұл кезеңде интеграциялық процестерді дамытуға ерекше назар аударылатыны айтылды.
