Қазақстанда сақтандыру саласы жаңа кезеңге аяқ басты. Ол енді тек тәуекелдерді жабатын құрал емес - цифрлық экожүйелердің маңызды элементіне айналып отыр. Астанада өткен Freedom Inside’26 форумында «Freedom Insurance» СК» АҚ басқарма төрағасы Азамат Керімбаев осы өзгерістердің мәнін ашып берді, деп хабарлайды DKNews.kz.
Цифрлық технологиялар, деректермен жұмыс және клиенттік тәжірибе сақтандыру бизнесінің құрылымын түбегейлі өзгертуде. Нәтижесінде сақтандыру компаниялары экожүйелерде орталық орынға ие бола алады.
Экожүйеге кіретін басты қақпа
Азамат Керімбаевтың айтуынша, сақтандыру компаниялары экожүйелерде тек қызмет көрсетуші емес, клиентті тартатын негізгі драйверге айнала алады. Бұл үшін процестер толық цифрландырылып, нарық ауқымында жұмыс істей алатын ІТ-платформа құрылуы тиіс.
Freedom Insurance бұл кезеңнен өтті. Компанияның Freedom экожүйесіне интеграциялануы сақтандыруды жеке өнімнен клиенттің экожүйеге жаппай кіру нүктесіне айналдырды.
«Freedom бренді аясында жеті жыл бойы даму арқылы біз сегіз есе өсіп, сақтандырудың клиент үшін анағұрлым жылдам, ашық әрі түсінікті жаңа моделін қалыптастыра алдық. Келесі кезең қызмет көрсету мен инфрақұрылымды күшейтуді қамтиды. Енді біз сақтандыру полисін ғана сатпаймыз, қызметті алу сәтінде клиентке «толыққанды аяқталған» шешім ұсынамыз. Бүкіл процесті өз мойнымызға алып, клиенттің қолданыс тәжірибесін жақсартып, назарды тек сақтандыру төлемінен клиент үшін түпкілікті нәтижеге аударамыз», - деп түсіндірді Азамат Керімбаев.
Нарықтағы позиция және өсу
Компанияның нәтижелері таңдалған стратегияның тиімділігін көрсетеді. Freedom Insurance шағын ұйымнан Қазақстандағы жалпы сақтандыру нарығындағы ірі үш ойыншының қатарына енді. Міндетті автосақтандыру сегментінде оның үлесі 40%-ға жетті.
Бүгінде компанияда 1 миллионнан астам белсенді клиент бар, олардың 40%-ы SuperApp-тың тұрақты пайдаланушылары. Қазақстанда рәсімделетін әрбір үшінші автосақтандыру полисі дәл осы компания арқылы өтеді.
Сақтандыру арқылы алғашқы байланыстан кейін клиент экожүйеде қалып, банк, сервистік және lifestyle өнімдерді қолдана бастайды. Нәтижесінде пайдаланушының экожүйемен өзара әрекеті тұрақты сипат алады.
«Сондықтан мұнда сақтандыру бірден үш қызметті атқарады: клиентті тартады, экожүйеге біріктіреді және көрсетілетін қызметтері арқылы ұстап қалады. Бұл алгоритм бізді бүкіл топ өсімінің толыққанды драйверіне айналдырады», - деп атап өтті Азамат Керімбаев.
Руслан Мазуниннің суреті
Деректер - негізгі артықшылық
Компания деректермен жұмысқа ерекше мән береді. Скоринг, аналитика және нақты уақыттағы шешім қабылдау сақтандыру қызметінің тиімділігін арттыруға мүмкіндік береді.
Бұл тәсіл:
- тарифтерді дәлірек есептеуге
- залалдылықты басқаруға
- алаяқтықты ерте анықтауға
- шешімдерді жедел қабылдауға мүмкіндік береді
«Нәтижесінде біз бизнес үшін жай ғана тиімділікті емес, клиент үшін әділ әрі ашық өнімді қалыптастырамыз. Шынында, деректер біздің бәсекелестік артықшылығымызға және тұрақты өсімнің негізіне айналып отыр», - деді ол.
Қағазсыз және кеңсесіз қызмет көрсету
Цифрлық трансформацияның ең айқын мысалдарының бірі - залалды реттеу процесі. DTP.kz жобасы арқылы жол-көлік оқиғасын қағазсыз және кеңсеге бармай-ақ рәсімдеуге болады.
Бұл модель клиентке жылдамдық пен ашықтық береді, ал нарық үшін мемлекеттік органдарға түсетін жүктемені азайтады.
«Клиент үшін бұл - жылдам рәсімдеу, ашық процесс пен бюрократияға барынша аз тірелу. Ал нарық үшін бұл мемлекеттік органдарға түсетін жүктеменің азаюына және реттеу үдерісінің жеделдеуіне жол ашты. Іс жүзінде біз жаңа мінез-құлық үлгісін қалыптастырып жатырмыз, яғни залалды цифрлық реттеу біртіндеп балама емес, үйреншікті стандартқа айналып келеді», - деді сарапшы.
Руслан Мазуниннің суреті
Ақша емес, дайын шешім
Компания сақтандыру төлемдерінің моделін де өзгертіп жатыр. Негізгі бағыт - ақшалай өтемақыдан бас тартып, жөндеу қызметін ұсыну.
Бұл тәсіл клиентке дайын нәтижені береді - көлік серіктес сервистер арқылы қалпына келтіріледі. Сонымен қатар компания процесті бақылап, сапа мен мерзімдерді реттей алады.
«Бұл жерде клиент мәселемен бетпе-бет жалғыз қалмайды, керісінше, басынан бастап нәтижеге қол жеткізгенге дейін түсінікті әрі басқарылатын үдеріске ие болады. Біз назарды төлемнің өзінен клиент үшін түпкілікті нәтиженің сапасына аударамыз», - деп түсіндірді Азамат Керімбаев.
Жасанды интеллект және болашақ
Келесі кезең - зақымды бағалауды автоматтандыру. Компания компьютерлік көру технологияларын енгізуді жоспарлап отыр.
Жүйе суреттерді талдау арқылы:
- зақымның сипатын анықтайды
- оның ауқымын бағалайды
- алдын ала есеп шығарады
Бұл процесті жеделдетіп қана қоймай, оны стандартталған әрі түсінікті етеді.
Руслан Мазуниннің суреті
Нарыққа әсері
Қалыптасып жатқан модель сақтандырудың рөлін өзгертіп отыр. Ол енді тек тәуекелдерді жабу құралы емес - клиентті тартатын, біріктіретін және ұстап тұратын цифрлық инфрақұрылымның бөлігіне айналуда.
«Біз технологиялар барлық процестің негізіне айналған, ал деректер нақты шешімдер қабылдауға көмектесіп, клиенттік тәжірибені жақсартатын модель қалыптастырып жатырмыз. Алайда барлық нәтиженің артында үнемі команда тұрады. Адамдар, олардың сараптамалық білімі, ниеті мен өзгеруге қабілеті осы трансформацияны жүзеге асырып, бізді алға жетелейді. Осы тұрғыдан алғанда, сақтандыру жай ғана өнім болудан қалып, қызмет көрсетуге, экожүйе инфрақұрылымының бір бөлігіне айналады», - деп түйіндеді ол.
