Ұлттық ұланның «Шығыс» өңірлік қолбасшылығына қарасты 6699 әскери бөлімінде түрлі ұлт өкілдері бір сапта қызмет етіп жүр. Тілі бөлек болғанымен, тілегі бір сарбаздарды ортақ міндет пен әскери тәртіп біріктіреді, деп хабарлайды DKNews.kz.
Бөлімдегі жауынгерлер бір-біріне қолдау көрсетіп, шынайы бауырластықтың үлгісін қалыптастырып келеді.
Умар Шакировтың тарихы
Сарбаздардың бірі – Алматы облысы Еңбекшіқазақ ауданы Жаңашар ауылынан әскерге шақырылған қатардағы жауынгер Умар Шакиров.
Ол ұйғыр ұлтының өкілі. Атасы кезінде Қытайдан көшіп келген.
«Менің кіндік қаным тамған өлке Жаңашар ауылы. Ауылдастарыммен тай-құлындай тебісіп, бейбіт аспан астында бұғанам бекіп, қабырғам қатайды. Отан алдындағы борышымды абыройлы өткеріп, алдағы уақытта әскери салада қызмет еткім келеді. Жалпы, ұйғыр халқының мәдениеті көнеден қалыптасқан. Ұлттық ұлан сапындағы қаруластарым үшін де менің ұлтым қызығушылық танытар тақырып»
Әскери ортадағы мәдени алмасу
Умар әскери қызмет барысында қаруластарына өз халқының дәстүрі мен мәдениеті туралы айтып береді.
Ол алдағы уақытта сарбаздарға ұлттық тағамдардан дәм татқызуды жоспарлап отыр.
«Ата-анам таяуда Өскеменге келіп, менімен жүздесіп қайтпақ. Мен анама ұлттық тағам түрін алып келсеңіз деп қолқа салдым. Өйткені, қаруластарымның біразы ұйғыр асханасынан мақұрым екен. Күні кеше шешем ұйғыр самсасы мен шелпегін әзірлейтіндігін хабардар етті. Ұйғыр шелпегіне жусай қосылады. Дәмі өте керемет. Көнеден келе жатқан ұйғыр самсасын қос-қостап таратамын взвод жауынгерлеріне. Жалпы, менің анамның алтын қолынан шыққан тағамдарды сарбаздардың сүйсініп жейтіндігіне нық сенімдімін»
Бірлік күніне арналған бастама
Сарбаз бұл бастамасын Бірлік күні қарсаңында жүзеге асырмақ.
Оның айтуынша, әскери ортада:
- өзара құрмет
- қолдау
- бауырластық
- бірлік
ерекше маңызды.
Бұл не үшін маңызды
Ұлттық ұландағы мұндай мысалдар Қазақстандағы көпұлтты қоғамның нақты көрінісі саналады.
Әскери ортада:
- этностар арасындағы түсіністік нығаяды
- мәдени алмасу қалыптасады
- ортақ құндылықтар күшейеді
- патриоттық рух артады
Бұл ел бірлігінің тек ұран емес, нақты өмір салты екенін көрсетеді.
