Қазақстандық лоукостер FlyArystan Ақтау – Үрімші – Ақтау бағыты бойынша жаңа халықаралық рейсті іске қосқанын хабарлайды. Бұл қадам Қытай бағытындағы маршруттық желіні стратегиялық тұрғыда кеңейтуді жалғастырып, жолаушыларға қолжетімді әрі ыңғайлы саяхат мүмкіндіктерін ұсынады, деп хабарлайды DKNews.kz.
Рейстің кестесі
- Алғашқы рейс: 2026 жылғы 26 маусым
- Аптасына рейстер саны:
- Ақтау → Үрімші: сейсенбі және жұма
- Үрімші → Ақтау: сәрсенбі және сенбі
FlyArystan басшысының сөзі
Йохан Эйдхаген, «FlyArystan» АҚ Президенті және бас атқарушы директоры:
«Қытай FlyArystan әуе бағыттар желісін дамытудағы ең қарқынды нарықтардың бірі болып қала береді. Біз халықаралық рейстерді Қазақстанның әртүрлі өңірлеріндегі, соның ішінде елдің батыс аймағындағы жолаушыларға Қытайдың негізгі экономикалық орталықтарының біріне тікелей әрі ыңғайлы әуе қатынасын ұсынуға мүмкіндік береді. Қазіргі геосаяси жағдайларда әуекомпаниялары жекелеген нарықтардағы өзгерістер мен сұраныс динамикасын ескере отырып, өз маршруттық желілерін икемді түрде бейімдеуде. Осы тұрғыда Қытай және жалпы Азия бағыты жоғары әлеуетін сақтап отыр. Air Astana тобы Қытай нарығындағы өз қатысуын белсенді түрде арттыруды жалғастыруда: 2026 жылғы маусым айының соңына қарай Air Astana және FlyArystan брендтері бойынша Қазақстан мен Қытай арасындағы апталық жалпы рейс жиілігі шамамен 50 рейс деңгейіне жетеді деп жоспарлануда. Біз туристік және іскерлік сегменттер тарапынан тұрақты сұранысты байқап отырмыз және жолаушыларға дәстүрлі маусымдық бағыттардан тыс жаңа саяхат мүмкіндіктерін ұсына отырып, өңірдегі рейстер географиясын кеңейтуді жалғастырамыз».
Ақтау бағытының артықшылықтары
- Жаңа рейс FlyArystan-ның Қытайға бағытталған маршруттық желісін толықтырады.
- Алматы – Инин бағыты сияқты бұрыннан танымал рейстерді қолдайды.
- Қазақстанның батыс өңірлері мен Батыс Қытай арасындағы әуе қатынасының мүмкіндіктерін кеңейтеді.
Бұған дейін Астана – Үрімші – Астана рейстері 2026 жылғы 31 мамырдан бастап аптасына үш рет (сейсенбі, бейсенбі, жексенбі) қайта жанданады.
Үрімші қаласы туралы
- Шыңжаң-Ұйғыр автономиялық ауданының ең ірі қаласы
- Негізгі сауда, логистика және туризм орталығы
- Дамыған инфрақұрылым, сауда және гастрономиялық мүмкіндіктер
- Бірегей табиғи көрікті орындарға жақындығы туристерді тартады
Билеттер мен бағалар
- Ақтау – Үрімші бағытына билеттер бір бағытқа 77 000 теңгеден басталады
- Ресми сайт: www.flyarystan.com
- Мобильді қосымша және басқа сату арналары арқылы да қолжетімді
- Баға валюта бағамының өзгеруіне байланысты өзгеруі мүмкін
FlyArystan стратегиясы
Қытайға маршруттық желіні кеңейту:
- Қолжетімді халықаралық тасымалды дамыту
- Халықтың мобильдігін арттыру
- Қазақстанның Орталық Азиядағы негізгі авиациялық және транзиттік хаб ретіндегі рөлін күшейту
