Абай облысының Аягөз ауданында «Жас техниктер станциясы» ашылды. Енді аудан оқушылары робототехника, дрондар, цифрлық және инженерлік жобалар бағытында білім алып, тәжірибе жинақтай алады, деп хабарлайды DKNews.kz.
Станцияның ашылуына орай оның базасында алғашқы «Digital Urpaq: Ayagoz 2026» шығармашылық және технологиялық фестивалі өтті.
Фестивальге қандай жобалар енді
Іс-шара бағдарламасы бірнеше технологиялық және шығармашылық бағытты қамтыды.
Қатысушылар үшін:
- FIRST халықаралық стандарттары бойынша робототехника турнирлері
- дрондарды басқару жарыстары
- CyberLab зертханасындағы сабақтар
- шығармашылық шеберлік сабақтары
- инженерлік және цифрлық жобалар көрмесі ұйымдастырылды
FIRST – оқушылар робот құрастырып, инженерлік міндеттерді шешетін және халықаралық техникалық ережелер бойынша командалық жұмыс жүргізетін беделді жарыс жүйесі.
Дрон жарысында кімдер жеңіске жетті
Tiny Whoop Drone Race жарысында:
- Владимир Осипов – бірінші орын
- Ануар Сагаткенов – екінші орын
- Арлан Искаков – үшінші орын иеленді
Drone Simulator бағытында:
- Ануар Сагаткенов жеңімпаз атанды
- Әлем Демеубаев – екінші орын
- Әділет Көкетай – үшінші орын алды
Командалық есепте кімдер үздік болды
Командалық есеп қорытындысы бойынша:
- Sky Study командасы – бірінші орын
- SrbAir командасы – екінші орын
- AITL-DRONE командасы – үшінші орын иеленді
Робототехника санаттарындағы жеңімпаздар анықталды
6–10 жас аралығындағы қатысушылар арасында өткен FIRST LEGO League Explore санатында:
- «АЙТЛ Зерттеуші»
- «РОБОСПАРК»
командалары Best PIT Award және Core Values Award марапаттарына ие болды.
10–16 жас аралығындағы FIRST LEGO League Challenge санатында:
- Nova – бірінші орын
- «Найзағай» – екінші орын
- BrainSpark – үшінші орын алды
12–18 жас аралығындағы FIRST Tech Challenge санатында:
- Tuganjer командасы Winning Alliance Captain атанды
- KAP командасы Winning Alliance Partner болды
- Tolgyn командасы Finalist Alliance Captain мәртебесін иеленді
- Berkut командасы Finalist Alliance Partner ретінде марапатталды
Жоба қандай мақсатта ұйымдастырылды
Фестиваль Мемлекет басшысының өңірлерде қосымша білім беру жүйесін дамыту жөніндегі тапсырмасы аясында және Цифрландыру мен жасанды интеллект жылы шеңберінде өткізілді.
Жоба:
- ҚР Оқу-ағарту министрлігінің
- «Qazaqstan Halqyna» қорының қолдауымен
- «Jasampaz Urpaq» бастамасы аясында жүзеге асырылды
Ауыл балалары үшін жаңа мүмкіндік
Мамандардың айтуынша, мұндай технологиялық орталықтар ауыл мектептеріндегі оқушылардың заманауи цифрлық білімге қолжетімділігін арттырады.
Сонымен қатар жобалар:
- инженерлік ойлауды дамытуға
- IT мен робототехникаға қызығушылықты арттыруға
- болашақ мамандарды даярлауға ықпал етеді
