Қазақстан смартфон нарығында тағы бір үлкен бәсеке басталды. HONOR ресми түрде жаңа HONOR 600 сериясын таныстырды, деп хабарлайды DKNews.kz.
Бірақ бұл жолы әңгіме жай ғана камера немесе қуатты процессор туралы емес. Компания жасанды интеллектіні смартфонның басты функциясына айналдыруға тырысып отыр.
Жаңа HONOR 600 сериясы фотоны видеоға айналдырады, мәтін арқылы сурет өңдейді, түнде кәсіби камерадай түсіреді және екі күнге дейін қуатсыз жүре алады. Ең қызығы — мұның бәрі жұқа әрі премиум дизайндағы корпуста ұсынылған.
Фотоны видеоға айналдыратын AI
HONOR 600 сериясының ең көп талқыланып жатқан мүмкіндігі — AI Image to Video 2.0 функциясы. Бұл жүйе бірнеше суретті біріктіріп, бірнеше секундтық кинематографиялық видео жасай алады.
Пайдаланушы үш суретке дейін таңдап, мәтін арқылы сценарий бере алады. Мысалы, “жаңбырлы атмосфера”, “кино стилі”, “ретро эффект” секілді командалар арқылы смартфон автоматты түрде қысқа ролик құрастырады.
Қарапайым тілмен айтқанда, енді контент жасау үшін бөлек монтаж бағдарламасының қажеті жоқ.
Арнайы AI-батырма арқылы видео генерациясын галереядан бірден ашуға болады. Сонымен бірге AI Photos Agent функциясы суретті мәтінмен өңдеуге мүмкіндік береді. Яғни адамға “артқы фонды өшір”, “аспан түсін өзгерт” немесе “кадрды жарық қыл” деп жазса жеткілікті.
Бұл функциялар әсіресе TikTok, Instagram және YouTube Shorts аудиториясына бағытталғаны байқалады.
HONOR енді камерамен ғана емес, түнгі түсіріліммен де бәсекеге түседі
HONOR 600 сериясындағы басты техникалық жаңалықтардың бірі — 200 мегапиксельді Ultra-clear Night Camera.
Компанияның айтуынша, смартфондағы 1/1.4 дюймдік сенсор өз класындағы ең ірі модульдердің бірі саналады. Бұл әсіресе түнгі түсірілім кезінде анық байқалады: жарық аз жерде де фото детализациясы жоғалмайды.
HONOR 600 Pro нұсқасы бұдан да қуаттырақ:
- 50 МП перископиялық телеобъектив;
- 3.5 есе оптикалық зум;
- 120 есеге дейінгі цифрлық үлкейту.
Смартфондағы HONOR SOIS тұрақтандыру жүйесі видеоны кәсіби камера секілді тұрақты түсіруге көмектеседі. Ал AI Color Engine түрлі жарық жағдайында табиғи түстерді сақтауға жауап береді.
7000 мА·сағ аккумулятор: екі күн зарядсыз жұмыс
Соңғы жылдары смартфондардың жұқалығы үшін аккумулятор көлемі кішірейіп кеткені жиі сыналатын. HONOR бұл жолы керісінше шешім қабылдаған.
HONOR 600 сериясы 7000 мА·сағ батареямен шықты — бұл Number Series тарихындағы ең үлкен аккумулятор.
Компания құрылғы белсенді қолданылғанның өзінде екі күнге дейін жұмыс істей алатынын айтады.
Сонымен қатар смартфондар:
- 80W HONOR SuperCharge жылдам қуаттауын;
- 50W сымсыз қуаттауды (Pro);
- 27W кері қуаттау функциясын қолдайды.
Өндіруші аккумулятордың қызмет ету мерзімі бес жылға дейін жететінін мәлімдеді.
Жаңа HONOR — енді Apple қолданушылары үшін де ыңғайлы
HONOR бұл жолы iPhone қолданушыларын да назардан тыс қалдырмаған.
Жаңа серия:
- iPhone хабарламаларын синхрондай алады;
- Mac-пен файл алмаса алады;
- Apple Watch хабарламаларын көрсетеді;
- хот-спотты бірге пайдалануға мүмкіндік береді.
Яғни Android пен Apple арасындағы “қабырға” біртіндеп азайып келеді.
Google Gemini интеграциясы
HONOR 600 сериясы Google Gemini AI-көмекшісімен интеграцияланған.
Пайдаланушылар енді смартфонмен:
- мәтін арқылы;
- дауыс арқылы;
- сурет арқылы байланыса алады.
Бұл AI-функциялар смартфонды жай байланыс құралы емес, жеке ассистентке айналдыруға бағытталған.
Қазақстандағы ресми бағалар
Қазақстанда HONOR 600 сериясының бағасы мынадай:
- HONOR 600 Lite (8+256) — 219 990 теңге
- HONOR 600 (8+256) — 329 990 теңге
- HONOR 600 (8+512) — 379 990 теңге
- HONOR 600 Pro (12+256) — 429 990 теңге
- HONOR 600 Pro (12+512) — 549 990 теңге
Алғашқы сатып алушыларға 2 жыл кепілдік пен Display Protection қызметі ұсынылады.
Нарыққа қандай әсер етеді?
Қазақстанда AI-функциясы бар смартфондар көбейіп келеді. Бірақ көп жағдайда олар тек “ақылды өңдеу” деңгейінен аса алмайтын.
HONOR 600 сериясы болса AI-ды құрылғының негізгі тәжірибесіне айналдыруға тырысып отыр. Әсіресе видео генерациясы, мәтін арқылы өңдеу және контентке бағытталған функциялар жаңа буын аудиториясын қызықтыруы мүмкін.
Енді басты сұрақ — пайдаланушылар AI-функциялар үшін қымбатырақ смартфон сатып алуға дайын ба? HONOR дәл осы сұраққа нарық арқылы жауап алмақ.
