Алматыда Мемлекеттік кеңесші Ерлан Қариннің төрағалығымен «Қазақстан тарихы: ежелгі дәуірден бүгінге дейін» атты жеті томдық академиялық басылымды әзірлеу жөніндегі редакция алқасының кезекті отырысы өтті, деп хабарлайды DKNews.kz.
Жетінші томның тұжырымдамасы таныстырылды
Отырыс барысында авторлар ұжымының жетекшісі, тарих ғылымдарының докторы, профессор Бүркітбай Аяған Тәуелсіздік кезеңіне арналған жетінші томның тұжырымдамасын, құрылымы мен мазмұнын таныстырды.
Сондай-ақ тарих ғылымдарының докторы, профессор, Мәжіліс депутаты Еркін Әбіл мен PhD докторы, профессор Михаил Акуловтың рецензиялары тыңдалды.
Сарапшылар ұсыныстарын айтты
Талқылау барысында редакция алқасының мүшелері жетінші томның мазмұнына қатысты өз пікірлері мен ұсыныстарын ортаға салды.
Олардың қатарында:
- Сәбит Шілдебай
- Ерлан Сыдықов
- Ханкелді Әбжанов
- Кенжехан Матыжанов
- Радик Темірғалиев
- Галина Ксенжик
- Айгүл Сәдуақасова
- Берекет Кәрібаев
- Айболат Көшкімбаев
- Мұрат Әбдіров
- Дихан Қамзабекұлы
- Болат Көмеков
- Күлғазира Балтабаева
- Андрей Чеботарев
- Оразақ Смағұлов
- Жақсылық Сәбитов
- Жәкен Таймағамбетов және басқа да ғалымдар болды.
Қандай шешім қабылданды?
Отырыс қорытындысы бойынша редакция алқасы Тәуелсіз Қазақстан тарихына арналған жетінші томды жетілдіру жұмыстарын жалғастыру және оны келесі отырыста қайта қарау туралы шешім қабылдады.
Жеті томдық академиялық басылым Қазақстанның ежелгі дәуірден бүгінгі күнге дейінгі тарихын ғылыми тұрғыдан жүйелеп, жаңа зерттеулер мен деректер негізінде ұсынуға бағытталған іргелі еңбек саналады.
