Жазды тиімді өткіз: Алматыда тегін үйірмелер жұмысын бастады

Алматыда жазды тиімді өткіземін дегендер үшін жақсы жаңалық бар.

Қала кітапханаларында балаларға, жасөспірімдерге және ересектерге арналған тегін жазғы үйірмелер мен танымдық бағдарламалар өз жұмысын бастады, деп хабарлайды DKNews.kz.

Бұл бастама жазғы демалысты тек көңілді ғана емес, пайдалы өткізгісі келетін тұрғындарға арналған. Үйірмелерде қатысушылар жаңа дағдыларды меңгеріп, шығармашылық қабілеттерін дамытып, өз қызығушылығына сай бағыттарды таңдай алады.

Барлығына ашық мүмкіндік

Жобаға жас ерекшелігіне қарамастан кез келген адам қатыса алады. Бағдарлама балалар мен жасөспірімдерден бөлек, ересектерге де арналған.

Қала кітапханалары жаз мезгілінде дәстүрлі кітап оқумен ғана шектелмей, тұрғындарға білім беру, шығармашылық және мәдени бағыттағы түрлі іс-шараларды ұсынуды жалғастырып келеді.

Қалай жазылуға болады?

Үйірмелерге тіркелу үшін Алматы қаласының кітапханаларына тікелей хабарласуға немесе library.almaty ресми Instagram парақшасы арқылы қосымша ақпарат алуға болады.

Толық мекенжайлар, нақты сабақ кестесі және байланыс нөмірлері карусельде жарияланған.

Жазғы демалысты жаңа таныстықтармен, пайдалы біліммен және қызықты тәжірибемен толықтырғысы келетін алматылықтар үшін бұл – тегін әрі қолжетімді мүмкіндік.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от ALMATY ÁKIMDIGI (@akimat_almaty)