Он төрт әскери қызметші мемлекеттік наградаға ие болды. Президент Қасым-Жомарт Тоқаев Маңғыстау облысындағы оқу-жаттығу кезінде қаза тапқан әскери қызметшілерді ерлігі мен әскери борышын өтеу кезіндегі жанқиярлығы үшін қайтыс болғаннан кейін марапаттады, деп хабарлайды DKNews.kz.
Ақорданың хабарлауынша, Мемлекет басшысының Жарлығымен бір әскери қызметші Бауыржан Момышұлы атындағы ІІ дәрежелі «Айбын» орденімен, тағы 13 әскери қызметші Рахымжан Қошқарбаев атындағы ІІІ дәрежелі «Айбын» орденімен марапатталған.
Олжас Мұхтарұлы ІІ дәрежелі «Айбын» орденімен марапатталды
29011 әскери бөлімі взводының командирі Олжас Мұхтарұлына Бауыржан Момышұлы атындағы ІІ дәрежелі «Айбын» ордені берілді.
Жарлықта мемлекеттік наградалардың әскери борышын өтеу кезінде көрсеткен ерлігі мен жанқиярлығы үшін берілгені көрсетілген.
13 әскери қызметші ІІІ дәрежелі «Айбын» орденін алды
Рахымжан Қошқарбаев атындағы ІІІ дәрежелі «Айбын» орденімен қайтыс болғаннан кейін 13 әскери қызметші марапатталды:
- Сержан Аяпберген — 29011 әскери бөлімі бөлімше командирі;
- Дастан Бегей — 29011 әскери бөлімінің аға матросы, аға атқыш;
- Мейрамбек Бердиханов — 29011 әскери бөлімі бөлімше командирі;
- Ақжайық Гилаж — 29011 әскери бөлімінің матросы, гранатаатқыш;
- Мансур Гумаров — 29011 әскери бөлімі бөлімше командирі;
- Олжас Диханбаев — 29011 әскери бөлімі бөлімше командирі;
- Әсет Жаңабай — 29011 әскери бөлімінің маманы, көздеуші;
- Алмас Кобенов — 29011 әскери бөлімінің матросы, гранатаатқыш;
- Азамат Мадихан — 29011 әскери бөлімінің матросы, гранатаатқыш көмекшісі;
- Өмірбек Өмірзақ — 29011 әскери бөлімінің матросы, гранатаатқыш;
- Жеңіс Темірғалиев — 29011 әскери бөлімінің матросы, пулеметші көмекшісі;
- Ақылбек Төлеген — 29011 әскери бөлімінің аға матросы, аға атқыш;
- Мирас Тұрдыбекұлы — 29011 әскери бөлімінің матросы, атқыш.
Маңғыстауда 14 әскери қызметші қаза тапты
Қайғылы оқиға 24 қыркүйекте Каспий теңізіндегі «Хазар қорғаны – 2026» оқу-жаттығуы кезінде болған. Нақтылаған ресми дерек бойынша, теңізге кеткен 17 әскери қызметшінің үшеуі құтқарылып, 14-і қаза тапты. Іздестіру-құтқару жұмыстары соңғы екі әскери қызметшінің денесі табылғаннан кейін 25 қыркүйекте аяқталды.
Қаза тапқан әскери қызметшілерге байланысты 25 қыркүйек Қазақстанда жалпыұлттық аза тұту күні болып жарияланды. Мемлекет басшысы Үкіметтік комиссияға оқиғаның барлық мән-жайын анықтап, қаза тапқандардың отбасыларына қажетті көмек көрсетуді тапсырды.
Мемлекеттік награда туралы Жарлықпен Маңғыстауда қаза тапқан 14 әскери қызметшінің барлығы марапатталды.
Бұған дейін Маңғыстаудағы оқиғадан кейін қабылданған шешімдер мен Президент тапсырмаларының хронологиясы жарияланған еді. Маңғыстаудағы оқиға бойынша қабылданған шаралар туралы материал
