Елдегі ең ірі мемлекеттік коммерциялық банктердің бірі Қытай құрылыс банкі осы жылдың бірінші жартыжылдығында 1,58 трлн юань (шамамен 229 млрд АҚШ доллары) көлемінде жаңа несиелер берді.
Жартыжылдық есеп бойынша, банк алғашқы алты айда Қытай экономикасының негізгі салаларына және әлсіз бөліктеріне қаржылық қолдауды күшейтті, жаңа несиелер негізінен инфрақұрылымға, көтерме саудаға, бөлшек саудаға және өндіріс секторларына бағытталды.
Маусым айының аяғында инфрақұрылым құрылысына өтелмеген несиелер 5,47 трлн юаньға жетіп, 2021 жылдың соңындағы көрсеткіштен 8,02%-ға өсті. Есепте көрсетілгендей, өндіріс секторына берілген орта және ұзақ мерзімді несиелер балансы 2021 жылдың соңынан 24,44%-ға өсіп, 835,93 млрд юаньға жетті, ал стратегиялық дамушы салаларға өтелмеген қарыздар 1,17 трлн юаньға жетіп, 26,66%-ға өсті.
Есепте банк активтерінің сапасының жақсарғаны атап өтілді. Маусым айының соңында банктің жұмыс істемейтін несиелерінің коэффициенті 2021 жылдың соңымен салыстырғанда 0,02 пайыздық тармаққа төмендеп, 1,4 пайызды құрады.
