Шыңжаң-Ұйғыр автономиялық ауданының /Солтүстік-Батыс Қытай/ биылғы жылдың қаңтар-тамыз айлары аралығында сыртқы сауда көлемі жылдық есеп бойынша 49,6 пайызға артып, 145,6 млрд юаньға (шамамен 21 млрд АҚШ долларына) жетті.
Үрімші кеденінің хабарлауынша, осы кезеңде Шыңжаңның экспорты 120,9 млрд юаньнан асып, жылдық есептеуде 58,2 пайызға артты, ал импорт көлемі 18 пайызға артып, 24,6 млрд юаньға жетті.
Үрімші кеденінің мәліметіне сәйкес, аймақтағы сыртқы сауданың артуы халықты жұмыспен қамту, қаржы секторы, сыртқы сауда, сыртқы және ішкі инвестиция салаларындағы тұрақтылықты қамтамасыз ету мақсатында жасалған бірқатар шаралардың арқасында болып отыр.
Үрімші кедені сондай-ақ реттелген кедендік рәсімдеу шараларының арқасында Шыңжаңдағы Қытай-Еуропа жүк пойыздарының жұмысы үздіксіз жақсарғанын атап өтті.
Қаңтар-тамыз айлары аралығында Шыңжаңның екі негізгі теміржол порты Алатау асуы мен Қорғас порты 8701 Қытай-Еуропа жүк пойызын өңдеу бойынша рекордтық деңгейге жетті, бұл өткен жылмен салыстырғанда 6,5%-ға артық.
