Көмірге бай солтүстік Қытайдың Шаньси провинциясында Оңтүстік-Шығыс Азия елдері қауымдастығымен (АСЕАН) сауда 2023 жылдың бірінші тоқсанында жылдық есептеуде 67,1 пайызға өсті, деп хабарлады жергілікті билік.
Провинцияның астанасы Тайюаньнің кеден деректеріне сәйкес, Шаньси мен АСЕАН елдері арасындағы тауар айналымы 6,54 млрд юаньді құрады (шамамен 944 млн АҚШ доллары).
АСЕАН-ның 10 елінің ішінде саудп көлемі бойынша Индонезия 368,7%-ға артып, қаңтардан наурызға дейін 3,29 млрд юань импорт пен экспортпен Шаньсимен сауда-саттықта бірінші орынға шықты.
Негізгі экспорт механикалық және электрлік өнімдерден тұрды. Тоқсан ішінде Шаньси АСЕАН елдеріне 1,9 млрд юаньға механикалық және электрлік өнімдер экспорттап, экспорт көлемін жылдық есептеуде 50,2 %-ға арттырып, осы кезеңдегі жалпы экспорттың шамамен 70 % құрады.
Есепті кезеңде Шаньсиге ферроқорытпалардың импорты айтарлықтай өсті. Құны 1,89 млрд юань болатын 115 000 тонна ферроқорытпалар импортталды, бұл провинцияның жалпы импортының жартысына жуығын құрайды.
