Қытайдың бірінші халықаралық жеткізілім тізбектері көрмесі (CISCE) қатысушыларды іріктеу процесін сәтті аяқтады, деп хабарлады сейсенбі күні оның өкілі.
Барлық расталған қатысушылардың 25 пайыздан астамы АҚШ, Оңтүстік Африка, Мексика және Франция сияқты 50 ел мен аймақты қамтитын шетелден келеді, - деді Халықаралық сауданы ынталандыру жөніндегі Қытай кеңесінің өкілі Чжан Синь.
Чжанның айтуынша, көрме стендтері «ақылды» көліктер, «жасыл» ауыл шаруашылығы, таза энергия, цифрлық технологиялар және салауатты өмір сүру сияқты түрлі бөлімдерге бөлінеді, сонымен қатар көрме қатысушыларына кәсіби бизнес-консалтинг және көп тілді аударма қызметтері көрсетіледі.
CISCE бірінші конференциясы Бейжіңде 28 қараша мен 2 желтоқсан аралығында өтеді және «Әлемді ортақ болашақ үшін байланыстыру» тақырыбына арналады.
