Coca-Cola өндірушісі Swire Coca-Cola Ltd. компаниясының Қытайдың оңтүстігінде 1,25 млрд юань (шамамен 175,89 млн АҚШ доллары) инвестициясымен жаңа зауытының құрылысы басталды. Бұл туралы Гуандун провинциясының экономикалық орталығы хабарлады.
Шамамен 128 000 шаршы метр аумақты қамтитын компанияның жаңа зауытында 11 жаңа сусындар өндіру желісі, көп деңгейлі қоймалар және қосалқы үй-жайлар болады, жылдық өндіріс қуаттылығы Гуандундегі компанияның ағымдағы деңгейінен шамамен 66 пайызға артады. Компанияның айтуынша, жаңа нысан әлемдік деңгейдегі жасыл, ақылды, экологиялық таза және көп бейінді зауыт болмақ.
«Құрлықтық Қытай біздің компанияның үздіксіз өсуінің шешуші факторы болды. Біз инновацияларымызды жандандырып, осы нарықтан үнемі шабыт аламыз», - деді Карен Со, Swire Coca-Cola басқарушы директоры. Ол 2023 және 2032 жылдар аралығында нарықтағы инвестиция көлемі 12 миллиард юаньнан асады деп болжап, компания Қытайға инвестициясын арттыруды жалғастыратынын айтты. «Осындай қарқынды және жылдам дамып келе жатқан нарықта біздің жұмысымызды кеңейту өте қызықты», - деді ол.
Көлемі бойынша әлемдегі бесінші ірі Coca-Cola өндірушісі ретінде Swire Coca-Cola Гуандундегі бес құю зауытын басқарады, 90 миллионнан астам тұтынушыға қызмет көрсететін 14 заманауи өндіріс желісі бар.
