Қытай биофармацевтикалық компаниясы Sinovac Biotech Ltd. (Sinovac) пен туркиялық Alagoz Holding арасындағы бірлескен KeyVac кәсіпорны (БК) Түркияға А гепатиті мен желшешекке қарсы вакциналарды жеткізу бойынша тендерді жеңіп алғанын хабарлады.
Тендерде жеңіске жету Sinovac вакцина өнімдері, қызметтері мен техникалық мүмкіндіктері Түркия үкіметі мен халқы тарапынан тану мен сенімге ие болғанын көрсетеді. Бұл сондай-ақ компанияның халықаралық ынтымақтастықты дамытудағы маңызды алға қадамын білдіреді, деді Бейжіңде Sinovac компаниясының бас коммерциялық директоры Ян Гуан.
2020 жылдан бері Sinovac Түркияға 94 миллионға жуық вакцинаны, соның ішінде COVID-19 вакциналарын, А гепатитіне қарсы вакциналарды, тұмауға қарсы және желшешекке қарсы вакциналарды жеткізді.
Компания және оның түрік серіктесі 2021 жылдың қазан айында Түркия астанасы Анкарада KeyVac-ты бірлесіп құрды. Жалпы инвестициясы 100 миллион АҚШ долларын құрайтын KeyVac вакцина өндіру орталығының жылдық өндірістік қуаты 30 миллион вакцина дозасын құрайды.
