Қытай соңғы жылдары қоршаған ортаны сақтау және қалпына келтіруде керемет жетістіктерге жетіп, экологиялық өркениетті құрудағы жаһандық күш-жігерге елеулі үлес қосты, деп мәлімдеді дүйсенбі күні ҚХР Табиғи ресурстар министрлігінің өкілі.
Экологиялық аймақтарды шектеу үшін қызыл сызық жүйесін қолдану арқылы Қытай 100 миллион му (шамамен 6,7 миллион гектар) экожүйені, соның ішінде тауларды, өзендерді, ормандарды, егістік алқаптарды, көлдерді, шабындықтар мен шөлдерді қалпына келтірді, деді Лу Лихуа тақырыптық шара барысында. Оны Біріккен Ұлттар Ұйымының Қоршаған орта бағдарламасының (ЮНЕП) Қытайдағы кеңсесі жүргізді. Тақырыптық іс-шара Дүниежүзілік қоршаған ортаны қорғау күніне екі күн қалғанда өтті және оған БҰҰ, мемлекеттік органдар, зерттеу институттары, бизнес, университеттер және үкіметтік емес ұйымдардың өкілдері жиналды.
Кеңсе басшысы Ту Жуйхэ дүние жүзіндегі ең ірі қоршаған ортаны қалпына келтіру жобасын іске қосып, алға жылжытқаны үшін Қытайдың халықаралық қауымдастықтың жоғары бағасына ие болғанын айтты. Ол өз тәжірибесін әлем елдерімен бөлісетініне сенім білдірді. Биылғы жылы Дүниежүзілік қоршаған ортаны қорғау күні жерлерді қалпына келтіруге, шөлейттенумен және құрғақшылыққа төзімділікке арналған.
