Қытайдың Франциямен бірлесіп жасаған ғарыштық өзгермелі нысандарды бақылайтын монитор (SVOM) серігін ұшыруы франциялық БАҚ-тың кеңінен назарын аударып, Қытай мен Францияның ғарыштық ынтымақтастығын құптады.
Қытайлық және франциялық ғалымдардың 20 жылға жуық тынымсыз еңбегінің нәтижесі болып табылатын астрономиялық жерсерікті ұшыру Ғаламның ең алыс бұрыштарында жыпылықтайтын гамма-жарқылдарды тіркеуге арналған.
Sud Ouest аймақтық газеті екі елдің инженерлері әзірлеген SVOM миссиясы франциялық-қытай ғарыштық ынтымақтастығының «нышаны» болып табылатынын хабарлады.
Сондай-ақ басылым 2018 жылы Қытайдың мұхитты бақылайтын қытай-франциялық океанографиялық серікті /CFOSat/ ұшырғанын еске салып, қазір Қытайдың «Чаньэ» Айды зерттеу бағдарламасына Еуропа елдерінің де қатысып жатқанын атап өтті.
Франсуа Гонсалес, Францияның Ұлттық ғарыштық зерттеулер орталығының жобалар жетекшісі, Le Monde газетінің жазуынша, SVOM-ды «қайда және қашан болатынын біз білмейтін кездейсоқ оқиғаны күтетін құрал» деп атады.
