Дүйсенбіде Қытай мен Чехия астаналары арасындағы тікелей әуе рейстері ресми түрде қайта басталды. Hainan Airlines әуе компаниясының ұшағы 10 сағаттық ұшудан кейін таңертең Прага әуежайына келді.
Қытайдың Чехиядағы елшісі Фэн Бяо биыл екі ел арасындағы дипломатиялық қарым-қатынастың орнағанына 75 жыл толатынын атап өтіп, әуежайда өткен рәсімде әуе қатынасының қайта жандануы екі ел халықтары арасындағы алмасу мен өзара іс-қимылға және туризм саласындағы екіжақты ынтымақтастықты дамытуға жағдай жасайтынына сенім білдірді.
«Біз екі бағыттағы нарық әлеуетіне сенеміз. Hainan Airlines әуе компаниясымен бірге біз көпірлер салып жатырмыз», - деді Прага әуежайының бас атқарушы директоры Иржи Пос, ол чех туризм секторы «Чех Республикасына келетін қытайлық туристердің жаңа толқынын асыға күтеді» деп қосты.
Hainan Airlines енді Бейжің мен Прага арасында аптасына үш рейс ұсынады - дүйсенбі, сәрсенбі және жұма күндері.
HNA Aviation Group өкілінің айтуынша, осы бағытты сәтті қалпына келтірудің арқасында Hainan Airlines қазір Батыс, Оңтүстік, Орталық және Шығыс Еуропаны қамтитын Еуропада 11 бағытқа ие.
