Қытай өтініш берушілерге тиімді және ыңғайлы патенттік сараптама қызметтерін ұсынуды мақсат етіп, Исландия және Египетпен «Жеделдетілген патенттік іс жүргізу» бағдарламасын (PPH) ұзартты.
ҚХР Зияткерлік меншік істері жөніндегі мемлекеттік басқармасы (ЗМІМБ) және Исландия мен Египеттің тиісті ведомстволары PPH пилоттық бағдарламаларын бес жылға - 2024 жылдың 1 шілдесінен 2029 жылдың 30 маусымына дейін ұзартуға келісті.
«Жеделдетілген патенттік іс жүргізу» - патенттік ведомстволар арасындағы ынтымақтастықты оңтайландыруға және қатысушыларға патенттік өтінімдерді қарау кезінде патенттік іздеулер мен талдаулардан өзара пайда алуға мүмкіндік беретін процесс. 2011 жылдың қарашасында бірінші PPH пилоттық бағдарламасы іске қосылғаннан бері ҚХР ЗМІМБ әлемнің 32 елінде және аймақта патенттік ведомстволармен тығыз байланыс орнатты.
ХР ЗМІМБ хабарлауынша, екі жақты жылдам патент беру бағдарламаларын кеңейту екі елдің өнертапқыштарына патенттік өтінімдерін өңдеуді тездетуге және зияткерлік меншік саласындағы халықаралық ынтымақтастықты одан әрі нығайтуға көмектеседі. Осы жылдың маусым айының басында ҚХР ЗМІМБ сондай-ақ Африканың аймақтық зияткерлік меншік ұйымымен бірге 2029 жылдың 7 маусымына дейін бес жылға есептелген пилоттық PPH бағдарламасын іске қосты.
