Қытайдың (Нинся) төртінші халықаралық шарап мәдениеті мен туризмі көрмесі аймақтық үкіметтің бастамасымен 9-11 тамыз аралығында Нинся астанасы Иньчуань қаласында өтеді.
«Қытай шарабы, әлем үшін ғажап – жақсы шарап бірегей терруардан шығады» ұранымен өтетін көрмеге шарап өнеркәсібінің елдегі және шетелдегі мамандары мен кәсіпорындары, сондай-ақ ресми тұлғалар мен халықаралық ұйымдардың өкілдері жиналады. Шарап карнавалы, жарыстар және басқа да шараларды қамтитын үш күндік көрмеге Франция, Австралия, Италия, Испания және Чили сияқты елдерден 60-тан астам шарап зауыты мен экспоненті қатысады.
Хелань тауының шығыс етегіндегі шарап жасау индустриалды паркі басқару комитетінің директоры Хуан Сымин Синьхуа агенттігіне 2012 жылдан бері Нинсяда Хэлань тауының шығыс етегінде тоғыз халықаралық шарап көрмесі және үш халықаралық шарап мәдениеті көрмесі өткенін айтты.
40 жылдан астам дамудан кейін Нинся Қытайдағы ең ірі шарап өндіруші аймаққа айналды. Ол 602 000 му (шамамен 40 133 га) жүзім плантацияларына және 2023 жылы 140 миллион бөтелке шарап өндіретін 253 шарап зауыты мен жүзім өсіретін кәсіпорынға ие.
