Қытайдың Ұлттық статистика бюросының (ҰСБ) мәліметтеріне сәйкес, 2024 жылдың алғашқы жеті айында Қытайдың негізгі капиталына инвестициялар жылдық есептеуде 3,6 пайызға өсіп, шамамен 28,76 триллион юаньға жетті (шамамен 4,03 триллион АҚШ доллары). Осы кезеңде жеке сектордағы негізгі капиталға салынған инвестициялар 14,71 триллион юаньді құрады, бұл өткен жылдың сәйкес кезеңімен бірдей деңгейде, делінген ҰСБ хабарламасында. Шілдеде айлық есептеуде Қытайдың негізгі капиталға инвестициясы 0,17 пайызға төмендеді.
Алғашқы жеті айда елдің қайталама өнеркәсібіне салынған инвестициялар барлық үш саланың ішінде 12,5 пайызды құрап, жылдық есептеуде ең жоғары өсім қарқынын тіркеді, жалпы инвестиция құны шамамен 9,85 трлн юань болды, деп хабарлады ҰСБ.
Осы кезеңде тау-кен өндіру өнеркәсібі мен өңдеу өнеркәсібіне салынған инвестициялар жылдық есептеуде сәйкесінше 19,3 пайызға және 9,3 пайызға өсті. Ал өндіріс, электр, жылу, газ және су өндіру мен жабдықтауда өткен жылмен салыстырғанда 23,8 пайызға өскен. Құрлықтағы кәсіпорындардың инвестициясы 3,4 пайызға, ал Гонконг, Макао және Тайвань кәсіпорындары 5,1 пайызға өсті, деп хабарлайды ҰСБ. Инвестицияларды өңірлер бойынша қарастырғанда, орталық аймақта инвестицияның өсу қарқыны 4,5 пайызды құраса, одан кейін шығыс өңірде 3,2 пайыз, солтүстік-шығыс өңірде 2,6 пайыз, батыс өңірде 0,3 пайызды құраған.
