Қытайда тұтыну тауарларының бөлшек сатылымы жылдық есептеуде 2,7%-ға өсіп, 3,78 трлн юаньға жетті (шамамен 528,82 млрд АҚШ доллары), деп хабарлады Қытайдың Ұлттық статистика бюросы (ҰСБ).
Өсу қарқыны маусым айымен салыстырғанда 0,7 пайыздық тармаққа жоғары болды. ҰСБ хабарлауынша, өткен айда қалалық аудандардағы бөлшек сатылым көлемі 3,27 трлн юаньға жетіп, жылдық есептеуде 2,4% өсті, ал ауылдық аудандардағы сәйкес көрсеткіш 506,6 млрд юаньға жетті, бұл жылдық есептеуде 4,6% көп.
Елдегі қоғамдық тамақтандырудың жалпы кірісі шілде айында 440,3 млрд юаньға жетіп, жылдық есептеуде 3%-ға өсті. Алғашқы жеті айда бөлшек сатылым көлемі 3,5%-ға өсіп, 27,37 трлн юаньнан асты.
Акциялар мен жаңа электрондық коммерция үлгілерінің арқасында Қытайдағы онлайн бөлшек сатылым алғашқы жеті айда жылдық есептеуде 9,5%-ға өсіп, салыстырмалы түрде жылдам өсуді сақтады. Физикалық тауарларды онлайн сату өткен жылмен салыстырғанда 8,7%-ға өсті, бұл осы кезеңдегі бөлшек сауданың жалпы көлемінің 25,6%-ын құрады. ҰСБ мәліметтеріне сәйкес, алғашқы жеті айда қызметтердің бөлшек сатылымы өткен жылмен салыстырғанда 7,2 пайызға өсті.
Бейсенбі күнгі деректер сондай-ақ Қытайдың өнеркәсіптік өндірісінің алғашқы жеті айда жылдық есептеуде 5,9 пайызға өскенін және негізгі қорларға инвестицияның өткен жылмен салыстырғанда 3,6 пайызға өскенін көрсетті.
