Сауд Арабиясында Эр-Риядта Қытайдың визалық сервистік орталық ашылды. Орталық 27 және 28 тамызда сынақ жұмыстарын жүргізсе, 29 тамызда тұрақты жұмыс басталады.
Сауд Арабиясындағы Қытай елшілігінің тапсырмасы бойынша орталықты China Youth Travel Service (CYTS) Aoyou Technology Development Co., Ltd басқарады және қарапайым шетелдік төлқұжаттардың иелері үшін визалық өтініштерді арнайы өңдейді.
Ашылу рәсімінде Қытайдың Сауд Арабиясындағы елшісі Чан Хуа елшілік биылғы жылы 20 мыңнан астам визалық өтінішті өңдегенін айтты, бұл өткен жылдың сәйкес кезеңімен салыстырғанда екі есе көп. Елшінің айтуынша, орталық өтініш берушілерге тиімдірек, ыңғайлы және сапалы қызметтер көрсетуді көздейді.
CYTS Aoyou Technology Development Co., Ltd. компаниясының президенті Хань Цзе орталықтың ашылуы Қытай мен Сауд Арабиясы арасындағы прагматикалық ынтымақтастықтың көрінісі ғана емес, сонымен қатар екі ел халқының арасындағы өзара сенім мен достықтың айғағы екенін айтты.
