Сәрсенбі күні Гуйян қаласында /Гуйчжоу провинциясының әкімшілік орталығы, Оңтүстік-Батыс Қытай/ Қытайдың халықаралық үлкен деректер индустриясы ЭКСПО көрмесі басталып, 21 мыңнан астам қонақты, сондай-ақ 411 қытайлық және шетелдік кәсіпорындардың өкілін тартты. «Он жылдық дамудан кейін көрме деректердің инновациялық үрдістерін басқаратын, деректер индустриясындағы жетістіктерді көрсететін және ашықтық пен ынтымақтастыққа ықпал ететін маңызды платформаға айналды», - деді шара ашылу рәсімінде сөз сөйлеген ҚХР Мемлекеттік деректерді басқару басқармасының басшысы Лю Лехун.
ЭКСПО көрмесінің «Зияткерлік және цифрлық технологиялар симбиозы: цифрлық экономиканы сапалы дамыту үшін жаңа болашақ құру» деп аталатын көрме алаңы 60 мың шаршы метрді құрайды және 6 негізгі бөлімге бөлінген.
Көрме қатысушылары арасында Huawei, Alibaba, Tencent, Baidu және JD.com сияқты елдің индустрия көшбасшылары, сондай-ақ АҚШ, Германия және Канада сияқты 30-дан астам ел мен аймақтан 77 шетелдік компания болды. Бұл компаниялар әртүрлі салалардағы озық цифрлық технологияларын, шешімдерін және инновациялық қосымшаларын ұсынбақ. Жұмаға дейін жалғасатын көрме аясында 90-нан астам іс-шара, оның ішінде 25 салалық алмасу өтеді деп күтілуде.
