Қытайдың Ұлттық статистика бюросы (ҰСБ) зауыттан шыққан тауарлардың құнын өлшейтін Қытайдың өндірушілер бағасының индексі (ӨБИ) тамыз айында жылдық есептеуде 1,8%-ға төмендеді деп хабарлады.
Төмендеу шілдеде тіркелген жылдық есептеудегі 0,8% төмендеуден көп болды. Деректер көрсеткендей, айлық есептеуде ӨБИ бір ай бұрынғы 0,2 пайызға төмендегеннен 0,7 пайызға төмендеді.
ҰСБ статистика маманы Дун Лицзюань ӨБИ төмендеуін нарықтағы сұраныстың жеткіліксіздігімен және кейбір халықаралық тауарлар бағасының төмендеу үрдісімен байланыстырды.
Қаңтар мен тамыз аралығында орташа ӨБИ өткен жылмен салыстырғанда 1,9 пайызға төмендеді.
Қытайда инфляцияның негізгі көрсеткіші болып табылатын тұтыну бағаларының индексі (ТБИ) тамыз айында жылдық есептеуде 0,6 пайызға өсті, деп көрсетті ҰСБ мәліметтері.
