Шанхайда Қытайдағы екінші испан мәдени орталығы Шанхайдағы Сервантес Институты ашылды. Ашылу рәсіміне Испания премьер-министрі Педро Санчес қатысып, Испанияның Еуропалық Одақтың қытай тілін үйрену саласындағы ең белсенді елдерінің бірі екенін атап өтті.
Шанхай орталығының директоры Инма Гонсалес Пуй орталық оқулықтар арқылы ғана емес, сонымен қатар түрлі мәдени іс-шаралар мен тәжірибелер арқылы Қытай мен Батыс мәдени алмасуының жаңа терезесіне айналады деген үмітін білдірді.
Сервантес Институтының директоры Луис Гарсиа Монтеро Шанхайда Сервантес институтының ашылуы өзара түсіністік пен ынтымақтастықты жаңа деңгейге көтеретінін айтты.
Шанхай халықаралық зерттеулер университетінің құрметті профессоры Лу Цзиншэн Қытайдағы испандық білім берудің 70 жылдық тарихы бар екенін айтып, Шанхайда Сервантес Институтының құрылуы Қытай мен Батыс арасындағы мәдени ынтымақтастықтың тереңдегенін көрсетеді деп баса айтты.
