Қытайдың (Шаосинь) бірінші Төмен биіктік экономикасы ЭКСПО көрмесінде осы сектордағы озық технологиялық инновациялар мен соңғы даму үрдістері көрсетілді. Төмен биіктік экономикасы – жалпы мақсаттағы авиация секторы басым рөл атқаратын төмен биіктік кеңістігіне негізделген экономикалық тұжырымдама.
Қытайдың шығысындағы Чжэцзян провинциясының Шаосин қаласында сенбіден дүйсенбіге дейін Қытай әуе көлігі қауымдастығы (CATA) өткізген көрмеде 500-ден астам ұшқышсыз аппараттар мен тікұшақтар, сондай-ақ электр тік ұшып-қонатын ұшу аппараттары қойылды.
«Ұшқышсыз аппараттар, «Бэйдоу» навигациялық жерсеріктік жүйесі, 5G байланысы және жасанды интеллектпен байланысты технологиялардың қарқынды дамуымен Қытайдың төмен биіктік экономикасы кеңінен қолданудың жаңа кезеңіне шықты», - деді шарада Қытай Инженерлік академиясының мүшесі Сян Цзиньу.
ҚХР Азаматтық авиация басқармасының деректері бойынша Қытайдың төмен биіктік экономикасының ауқымы 2023 жылдың соңына қарай 500 млрд юаньнан асады (шамамен 70 млрд АҚШ доллары), ал 2030 жылға қарай 2 трлн юаньға дейін өседі деп күтілуде.
