Қытай қарт адамдарға арналған туристік пойыздар қызметін кеңейту және жақсарту бойынша өзінің соңғы бастамасында қарт адамдар үшін инклюзивті және жағымды саяхат жасау жөніндегі іс-қимыл жоспарын жариялады. Іс-қимыл жоспары туристік пойыздар мен көрікті жерлер арасындағы үйлестіруді жақсартуды көздейді, жергілікті туристік бағыттарды брондау, «жасыл арналар», көлік қатынасы және егде жастағы саяхатшылар үшін арнайы трансфер қызметтері сияқты жеке қызметтерді ұсынуға ынталандырады.
ҚХР Сауда министрлігі мен басқа сегіз үкіметтік мекеме мен мемлекеттік кәсіпорын бірлесіп көтерген бұл бастама туризм нарығын байыту, қызмет тұтынуды ынталандыру және қарт адамдар арасындағы саяхатқа деген сұранысты қанағаттандыруды көздейді.
Бұл бастама аясында қарт адамдар үшін туристік пойыз қызметіне сұранысты анықтау үшін халықтан ақпарат жинап, тапсырыс бойынша жеке туристік өнімдердің әртүрлі түрлерін енгізуге күш салынады.
Пойыздарды қарт адамдар үшін неғұрлым қолайлы, экологиялық және жайлы етіп жаңарту шаралары қабылданатын болады, бұл сонымен қатар Қытайдың жабдықтарды жаңарту және ескі тұтыну тауарларын жаңасына ауыстыру, сондай-ақ тақырыптық туристік маршруттар мен қарт адамдарға арналған өнімдерді әзірлеу жөніндегі кең ауқымды бағдарламасымен қолдау табады.
