ҚХР-дың Қазақстан Республикасындағы төтенше және өкілетті елшісі Хань Чуньлинь DKnews.kz басылымына арнаған эксклюзивті мақаласында Қытайдың 2024-2024 жылдар Шанхай ынтымақтастық ұйымына (ШЫҰ) төрағалығы аясындағы басымдықтар, аймақтық қауіпсіздік, стратегиялық даму және гуманитарлық алмасуларды күшейтуге бағытталған стратегиялық бастамалары туралы егжей-тегжейлі айтып берді, деп хабарлайды Xinhua.
ШЫҰ-ның негізін қалаушы елдер ретінде Қытай мен Қазақстан ұйым аясында тығыз ынтымақтастықты сақтап, оны құруға, дамытуға және әртүрлі салалардағы ынтымақтастықты тереңдетуге елеулі үлес қосып келеді. Екі ел ШЫҰ ортақ тағдыр қоғамдастығын құрудың белсенді бастамашылары мен тәжірибешілері. 2023-2024 жылдар аралығындағы төрағалық кезінде Қазақстан жұмысқа іскер және тиімді көзқарас таныта отырып, өз міндеттерін белсенді атқарды. 2024 жылғы шілдеде Астанада өткен ШЫҰ саммиті толық сәтті өтті: Астана декларациясы, Елдер арасындағы ынтымақтастыққа негізделген әділ және үйлесімді әлем құру бастамасы, Тату көршілік, өзара сенім және серіктестік қағидаттары туралы мәлімдеме, сондай-ақ салалардың кең ауқымын, соның ішінде экономиканы, қаржыны, қауіпсіздікті, гуманитарлық алмасуларды және институционалдық құрылысты қамтитын 26 құжат қабылданған. Қол жеткізілген нәтижелер ШЫҰ-ның аймақтағы тұрақтылық, қауіпсіздік және өркендеу тірегі ретіндегі стратегиялық рөлін растады.
Мақалада Қытайдың ШЫҰ-ға төрағалығының негізгі бағыттары қарастырылған.
